ရန်ကုန်-မန္တလေးလမ်းပိုင်းအစုန်အဆန်ရထားများပြေးဆွဲမည်
ရန်ကုန်၊ ဒီဇင်ဘာ ၅
ပို့ဆောင်ဆက်သွယ်ရေးဝန်ကြီး ဌာန၊ မြန်မာ့မီးရထားမှခရီးသွားပြည် သူများ သွားလာမှုအဆင်ပြေရေး အတွက် ရန်ကုန်-မန္တလေး လမ်းပိုင်းတွင် အမှတ် ၃ အဆန်နှင့် အမှတ် ၄ အစုန် အမြန်ရထားခရီးစဉ်များအား ဒီဇင်ဘာ ၁ ရက်နေ့မှစတင်၍ တွဲဆိုင်းနှစ်ဆိုင်း ဖြင့် အပတ်စဉ် (တနင်္ဂနွေ၊ ဗုဒ္ဓဟူး၊ သောကြာနေ့)များတွင် အစုန်၊ အဆန် တစ်စီးစီပြေးဆွဲပေးသွားမည်ဖြစ်သည်။
အမှတ် (၃) အဆန် အမြန်ရထား သည် ရန်ကုန်မြို့မှ ညနေ ၃ နာရီ ၄၅ မိနစ်တွင် ထွက်ခွာပြီး မန္တလေးသို့နောက် နေ့ နံနက် ၁၀ နာရီ ၄၅ မိနစ်တွင် ရောက်ရှိမည်။
အမှတ် ၄ အစုန်ရထားသည် မန္တလေး မှ ညနေ ၃ နာရီတွင် ထွက်ခွာမည်ဖြစ်ပြီး ရန်ကုန်မြို့သို့ နောက်နေ့ နံနက် ၉ နာရီ မိနစ် ၃၀ တွင် ရောက်ရှိမည်ဖြစ်သည်။ ရန်ကုန်-မန္တလေး ရထား လက်မှတ်ခမှာ ရိုးရိုးတန်း ၄၆၅၀ ကျပ် ဖြစ်သည်။
မောင်ပြည်သူ(မန္တလေး)
