သက်တော်ရှည်ဆရာတော်ကြီးများ ပူဇော်ရန်ရာသက်ပန်ငွေပဒေသာပင်လှူဒါန်း
မန္တလေး နိုဝင်ဘာ ၂၉
မန္တလေး၊ ချမ်းအေးသာစံမြို့နယ် ၃၂ လမ်းရှိ မလွန်ဈေးဆန်လှူ အသင်းသည် ၁၃၈၁ ခုနှစ် ၁၂၃ ကြိမ်မြောက်မှ စတင်ပြီး စစ်ကိုင်း၊ မင်းဝံတောင်တန်း၊ မင်းကွန်းတောင်ရိုးကြီး(၃)ရပ်နှင့်မန္တလေးခရိုင် (၇)မြို့နယ်ရှိအသက် ၈၀ ၊ ဝါတော် ၆၀ အထက် သက်တော်ရှည် ဆရာတော်ကြီးများအား နှစ်စဉ်မပျက်ပူဇော်ပွဲကျင်းပပြုလုပ်ခဲ့သည်။
သက်တော်ရှည်ဆရာတော်ကြီးများ ပူဇော်ပွဲကျင်းပနိုင်ရန် စေတနာရှင်များ က ရာသက်ပန်ငွေပဒေသာပင်များ လှူဒါန်းလျက်ရှိရာ နိုဝင်ဘာ၂၇ ရက်က ချမ်းအေးသာစံမြို့နယ် ၆၈ လမ်းနေ မိခင်ကြီး ဒေါ်မြင့်မြင့်ဦးအား အမှူးထား၍ ဦးကျော်ဆန်းဦး+ဒေါ်သန္တာထွန်း မိသားစုကငွေကျပ် ၆ သိန်း၊ ဆွမ်းဆန်တော်အတွက် ငွေကျပ် ၅ သိန်း စုစုပေါင် ၁၁ သိန်း လာရောက်လှူဒါန်းရာ အသင်းဥက္ကဋ္ဌနှင့်အမှုဆောင် များကလက်ခံရယူပြီး ဂုဏ်ပြုမှတ်တမ်းလွှာပြန်လည်ပေးအပ်သည်။
မောင်ပြည်သူ(မန္တလေး)
