ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် မေ ၃၁
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ မေ ၃၀ ရက်၊ နံနက် ၂ နာရီအချိန်တွင် ရန်ကင်းမြို့နယ်ရဲတပ်ဖွဲ့မှတပ်ဖွဲ့ဝင်များသည် (၁၅)ရပ်ကွက်၊ မိုးကောင်း လမ်းမပေါ်၌ ဇော်လင်းထွန်းထံမှ အရိုးအသွား(၆)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် နံနက် ၃ နာရီအချိန်တွင် အလယ်ကျေးရွာ၊ အနော်ရထာလမ်းမကြီးပေါ်၌ လူအေးထံမှ အရိုးအသွား(၁၁)လက်မခန့်ရှိ ထိပ်ဦးချွန်ဓားတစ်ချောင်း၊ ညနေ ၅ နာရီအချိန်တွင် (၂၀)ရပ်ကွက်၊ ရွှေမင်းဝံလမ်းမပေါ်၌ ဓါးကိုင်သောင်းကျန်းနေသော တင်မောင်ထွေး ထံမှ အရိုးအသွား (၁၅)လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၇ နာရီ ၄၀ မိနစ်အချိန်တွင် (၁၃)ရပ်ကွက်၊ ဗိုလ်လရောင်လမ်းမပေါ်၌ ဇင်ကိုထံမှ အရိုးအသွား(၁၇)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၃၀ ရက်၊ နံနက် ၄ နာရီခွဲအချိန်တွင် (၂၃)ရပ်ကွက်၊ မေယုလမ်းပေါ်၌ ထွန်းထွန်းဝင်းထံမှ အရိုးအသွား(၁၆)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ တိုက်ကြီးမြို့နယ်ရဲတပ်ဖွဲ့မှတပ်ဖွဲ့ဝင်များသည် မွန်းတည့် ၁၂ နာရီခွဲအချိန်တွင် ဇော်ဝင်းထံမှ အရိုးအသွား(၉)လက်မခွဲခန့်ရှိ ထိပ်ဦးချွန်ဓားတစ်ချောင်းနှင့် မွန်းတည့် ၁၂ နာရီ ၄၅ မိနစ်အချိန်တွင် ဝင်းနိုင်ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
မင်္ဂလာဒုံမြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၃၀ ရက်၊ ညနေ ၆ နာရီ ၄၀ မိနစ်အချိန်တွင် ပေါက်ကုန်းရပ်ကွက်၊ အပိုင်(၁၂)၊ ဂျိုးဖြူလမ်းမ ပေါ်၌ ဇော်မြင့်ဝေ ထံမှ အရိုးအသွား(၁၂)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ တာမွေမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၁၀ နာရီ ၄၀ မိနစ် အချိန်တွင် နတ်ချောင်းရပ်ကွက်၊ မေတ္တာရိပ်မွန်အိမ်ယာ ဖြတ်လမ်း၌ မူးယစ်သောင်းကျန်းနေသော လွင်ကိုဦး ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ သင်္ဃန်းကျွန်းမြို့နယ် ရဲတပ်ဖွဲ့မှတပ်ဖွဲ့ဝင်များသည် ည ၁၁ နာရီအချိန်တွင် ဆန်းဦးထံမှ အရိုးအသွား(၉)လက်မခန့်ရှိ ထိပ်ဦးချွန်ဓား တစ်ချောင်းကိုလည်းကောင်း၊ ဗဟန်းမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၁၁ နာရီ ၅၀ မိနစ်အချိန်တွင် သိုက်အောင် ထံမှ အရိုးအသွား(၆)လက်မခန့်ရှိ ထိပ်ဦးချွန်ဓါးတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး
