မရမ်းကုန်းမြို့နယ်၌ Online ဖြင့်လောင်းကစားပြုလုပ်နေသူများ ဖမ်းဆီးရမိ
ရန်ကုန် မေ ၃၀
ရန်ကုန်တိုင်းဒေသကြီး၊ မရမ်းကုန်းမြို့နယ်၊ (၂)ရပ်ကွက်နေ ဇော်ဇော်ဦး(၄၃)နှစ်၏ နေအိမ်အား လောင်းကစားပြုလုပ်နေကြောင်း သတင်းအရ ယမန်နေ့၊ မွန်းလွဲ ၁၂ နာရီ ၄၅ မိနစ်အချိန်တွင် ပူးပေါင်းအဖွဲ့က သက်သေများနှင့်အတူ ဝင်ရောက်ရှာဖွေရာ ဇော်ဇော်ဦးအား လောင်းကစား ပြုလုပ်နေသူ တစ်ရပ်ကွက်တည်းနေ ဖြိုးမြင့်သူ(၃၃)နှစ်ပါ ၈ ဦးတို့နှင့်အတူတွေ့ရှိပြီး နေအိမ်ဧည့်ခန်းအတွင်း၌ Online လောင်းကစားပြုလုပ်ရာတွင် အသုံးပြုသည့် ကွန်ပျူတာ ၃ လုံး၊ ဖုန်း ၁၅ လုံး၊ ဘဏ်စာအုပ် ၆ အုပ်နှင့် ဘဏ်ကတ်မျိုးစုံ၊ နိုင်ငံကူးလက်မှတ် စာအုပ် ၃ အုပ်၊ ငွေလွှဲလက်ခံပြေစာ ဖြတ်ပိုင်း ၂၁ ရွက်၊ ငွေစက္ကူရောရာ ၃,၃၀၀,၀၀၀ ကျပ်၊ Wi-Fi လွှင့်စက် ၁ လုံး၊ Wave Money လုပ်ကိုင်သည့် ဆင်းကတ် ၁ ခုတို့အား သိမ်းဆည်းရမိခဲ့သဖြင့် ဇော်ဇော်ဦးပါ ၉ ဦးတို့အား ဘုရင့်နောင်နယ်မြေ ရဲစခန်း(ပ)၉၄၈/၂၀၂၀၊ လောင်းကစားဥပဒေပုဒ်မ ၁၆(က)/၁၇(က) ဖြင့် အမှုဖွင့်စစ်ဆေးလျက်ရှိကြောင်း သိရသည်။
ဆွေဦး
