ဂျီနီဗာ၊ နိုဝင်ဘာ ၁၅
ဝင်ငွေနိမ့်နိုင်ငံများတွင် COVID-19 ရောဂါကာကွယ်ဆေး ပထမတစ်လုံး ထိုးပေးသည့် အရေအတွက်ထက် ချမ်းသာသည့်နိုင်ငံများတွင် ဖြည့်စွက် Covid ကာကွယ်ဆေး ထိုးပြီးသည့် အရေအတွက်မှာ နေ့စဉ် ၆ ဆ ပိုများ နေကြောင်း ကမ္ဘာ့ကျန်းမာရေးအဖွဲ့ (WHO) အကြီးအကဲက ပြောသည်။
လူဦးရေအများစုကို ကာကွယ်ဆေး ထိုးပေးပြီးသည့် နိုင်ငံများတွင် ကာကွယ်ဆေးများ သိုလှောင်ထား ကြချိန်၌ ဝင်ငွေနိမ့်နိုင်ငံများတွင်မူ ကာကွယ်ဆေးရရန် စောင့်နေရဆဲပင် ဖြစ်ကြောင်း WHO အကြီးအကဲ Tedros Adhanom Ghebreyesus က ပြောသည်။
တစ်ကမ္ဘာလုံးတွင် ကာကွယ်ဆေး တန်းတူညီမျှမရရှိသည့် ဖြစ်စဉ်များ ကို အမြန်ဆုံးရပ်ပစ်နိုင်ရန် ကြိုးပမ်း ရမည်ဖြစ်ကြောင်း Tedros က ပြော သည်။ ဝင်ငွေနိမ့်နှင့် အလယ်အလတ် ဝင်ငွေအဆင့် နိုင်ငံများအတွက် COVID-19 ရောဂါကာကွယ်ဆေး ကူညီရန်ရည်ရွယ်သည့် COVAX အစီအစဉ်အနေဖြင့် ကာကွယ်ဆေး တန်းတူညီမျှမရခြင်းများ လျော့ကျ စေရန် ကူညီနိုင်ကြောင်း၊သို့ရာတွင် နိုင်ငံတိုင်းရှိ လူဦးရေ ၄၀ ရာခိုင်နှုန်း ကို ယခုနှစ်ကုန်တွင် ကာကွယ်ဆေး ထိုးပေးရေး ရည်မှန်းချက်ပြည့်မီ ရန် ကာကွယ်ဆေးအရေအတွက် အနည်းဆုံး သန်းပေါင်း ၅၅၀ လိုအပ် ကြောင်း WHO အကြီးအကဲ Tedros Ghebreyesus က ပြောကြားထားသည်။
မျိုးဝင်း (ref:BBC)