လမ်းမတော်မြို့နယ်၌ ကိုဗစ်-၁၉ ရောဂါ ကာကွယ်ဆေးဆက်လက်ထိုးနှံပေး

ရန်ကုန်  အောက်တိုဘာ  ၇

ရန်ကုန် အနောက်ပိုင်းခရိုင်၊ လမ်းမ‌တော်မြို့နယ်အတွင်း ကိုဗစ်-၁၉ ရောဂါ ဖြစ်ပွားမှုကို ထိန်းချုပ် နိုင်ရန်အတွက် ကာကွယ်ဆေးမထိုးနှံရ သေးသည့် အသက် ၅၅ နှစ်အထက် ပြည်သူများ ပထမအကြိမ်ကာကွယ် ဆေးထိုးနှံပေးခြင်းလုပ်ငန်းနှင့် ကာကွယ် ဆေးထိုးနှံရာတွင် အကြောင်းအမျိုးမျိုး ကြောင့် ကျန်ရှိနေကြသည့် နိုင်ငံ့ ဝန်ထမ်းများနှင့် ဝန်ထမ်းမိသားစုဝင် များ၊ စေတနာ့ဝန်ထမ်းများနှင့် အများ ပြည်သူများ ကာကွယ်ဆေးထိုးနှံ ပေးခြင်းကို အောက်တိုဘာ ၆ ရက်၊  နံနက် ၉ နာရီက အ.လ.က(၁)ကျောင်း၌ ကိုဗစ်-၁၉ ရောဂါ ကာကွယ် ဆေး ဆက်လက်ထိုးနှံဆောင်ရွက်ပေးလျက်ရှိကြောင်း  သိရသည်။ 

လမ်းမ‌တော်မြို့နယ်အတွင်း ရပ်ကွက် ပေါင်း ၁၃ ရပ်ကွက်ရှိရာ ကာကွယ်ဆေး ထိုးနှံခြင်းကို သက်ဆိုင်ရာဦးစားပေး အလိုက် ဦးတည်အုပ်စုများကို ကိုဗစ်-၁၉ ရောဂါ ကာကွယ်ဆေးထိုးနှံပေး လျက်ရှိရာ အောက်တိုဘာ ၆ ရက် အထိ ကာကွယ်ဆေးထိုးနှံသူပေါင်း ၁၁၆၉၂ ဦးရှိကြောင်း သိရသည်။

ထိုသို့ ကာကွယ်ဆေးထိုးနှံပေးရာ နေရာသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးသက်နောင်ဖြူနှင့် အဖွဲ့ဝင် များ၊ မြို့နယ် ကိုဗစ်-၁၉ ရောဂါ ကာကွယ်ထိန်းချုပ်ရေးနှင့် အရေးပေါ် တုံ့ပြန်ရေးကော်မတီ အဖွဲ့ဝင်များ၊ မြို့နယ် ကျန်းမာရေးဦးစီးဌာနမှ ဝန်ထမ်းများ၊ မြို့နယ်လူမှုဝန်ထမ်းဦးစီး ဌာနမှ ဝန်ထမ်းများ၊ မြို့နယ်ရဲတပ်ဖွဲ့ဝင် များ၊ မြို့နယ်မီးသတ်တပ်ဖွဲ့ဝင်များ၊ မြို့နယ်ကြက်ခြေနီ တပ်ဖွဲ့ဝင်များ၊     ရပ်ကွက်အုပ်ချုပ်ရေးမှူးများနှင့် ပရဟိတ အသင်းများ ပူးပေါင်း၍ ကာကွယ် ဆေးထိုးနှံရန် လာရောက်ကြသူများကို  အဆင်ပြေချောမွေ့စွာ ကာကွယ်ဆေး ထိုးနှံနိုင်ရန် ဝိုင်းဝန်းကူညီဆောင်ရွက် ပေးခဲ့ကြောင်း သိရသည်။

ကျော်ဆန်းမြင့်