ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် မေ ၂၈
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ မေ ၂၇ ရက်၊ နံနက် ၆ နာရီခွဲအချိန်တွင် မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် (၁)ရပ်ကွက်၊ ခတ္တာလမ်းမပေါ်၌ ဝင်းထက်ထံမှ အရိုးအသွား(၇)လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၈ နာရီ ၂၀ မိနစ်အချိန်တွင် ညောင်ရမ်းလမ်း ပေါ်၌ မိုးမြင့်ဦးထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓားတစ်ချောင်း ကိုလည်းကောင်း၊ ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် နံနက် ၁၀ နာရီ ၁၀ မိနစ် အချိန် တွင် ကျီစုအနောက်ရပ်ကွက်၊ (၄) လမ်းမပေါ်၌ ထွန်းထွန်းဝင်းထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၂၇ ရက်၊ မွန်းတည့် ၁၂ နာရီခွဲအချိန်တွင် မာပြေလမ်း မကြီးပေါ်၌ အောင်သီဟနှင့် သိန်းလွင် တို့(၂)ဦးထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၉ နာရီအချိန်တွင် (၁၀)တာင်(၁၄)ရပ်ကွက်၊ သလ္လဝတီ (၇)လမ်းမပေါ်၌ မြတ်မင်းသိန်းထံမှ အရိုးအသွား(၉)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၅ နာရီအချိန်တွင် အလယ်ကျေးရွာ၊ အနော်ရထာလမ်းမပေါ်၌ တင်မိုးဝင်းထံမှ အရိုးအသွား(၁၁)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ အင်းစိန်မြို့နယ်ရဲတပ်ဖွဲ့မှတပ်ဖွဲ့ဝင်းများသည် ညနေ ၅ နာရီခွဲအချိန်တွင် ကြို့ကုန်းအနောက်ရပ်ကွက်၊ စံပယ်(၂)လမ်းမ ပေါ်၌ ဓားကိုင်သောင်းကျန်းနေသော အောင်ထွန်းလေးထံမှ အရိုးအသွား(၁၄)လက်မခွဲခန့်ရှိ ထိပ်ဦးချွန်ဓား တစ်ချောင်းကိုလည်းကောင်း၊ ကြည့်မြင်တိုင်မြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၂၇ ရက်၊ ည ၈ နာရီအချိန်တွင် ထီးတန်းစက် မြေရပ်ကွက်၊ ထီးတန်း(၁) လမ်းမပေါ်၌ ဓားကိုင်သောင်းကျန်းနေသော သော်လင်းထွန်းထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဒဂုံမြို့သစ်(ဆိပ်ကမ်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၈ နာရီ ၂၀ မိနစ်အချိန်တွင် (၈၀)ရပ်ကွက်၊ မြနန္ဒာလမ်းသွယ်၌ ဓားကိုင်သောင်းကျန်းနေသော ကောင်းမင်းသန့်ထံမှ အရိုးအသွား(၂၄)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊ သန်လျင်မြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၂၇ ရက်၊ ည ၁၁ နာရီခွဲအချိန်တွင် သနပ်ပင်လမ်းဆုံ၌ နေလင်းစိုးထံမှ အရိုးအသွား (၁၃)လက်မခန့်ရှိ ထိပ်ဦးချွန်ဓားတစ်ချောင်း၊ ဇင်ကိုထွန်းထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓား(၁)ချောင်းနှင့် မြတ်မင်းသူထံမှ အရိုးအသွား(၁၃)လက်မခန့်ရှိ ထိပ်ဦးချွန်ဓား တစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိသည်။
ဆွေဦး
