တိုကျို၊ အောက်တိုဘာ ၇
အမေရိကန်နှင့် မဟာမိတ်ပိုမိုခိုင်မာအောင်လုပ်မည်ဟု ဂျပန်ဝန်ကြီးချုပ်သစ် ပြောကြားလိုက်သည်။ ဂျပန်နိုင်ငံတွင် ဆန်ကာကုကျွန်းစုဟုခေါ်သော အရှေ့ တရုတ်ပင်လယ်မှ အငြင်းပွားနေသည့် ကျွန်းစုကို ကာကွယ်ရေးနှင့်ပတ်သက် သည့် အမေရိကန်ပြည်ထောင်စု၏ ကတိကဝတ်ကို သမ္မတဂျိုးဘိုင်ဒင်ထံမှ ရရှိခဲ့ကြောင်း ဂျပန်ဝန်ကြီးချုပ်သစ် ဖူမီယိုကီရှီဒါက ပြောကြားသည်။
ကီရှီဒါအဖြင့် ဘိုင်ဒင်နှင့် ဖုန်းမိနစ် ၂၀ ကြာဆက်သွယ်ပြောကြားခဲ့ပြီး လွတ် လပ်ပွင့်လင်း သည့် အင်ဒို-ပစိဖိတ်ဒေသ ထူထောင်ရေးအတွက် ပူးပေါင်းဆောင် ရွက်ရန်သဘောတူကြောင်း ကီရှီဒါက သတင်းထောက်များကို ပြောကြားခဲ့ခြင်း ဖြစ်သည်။
ကီရှီဒါသည် လာမည့် အောက်တို ဘာလ ၃၁ ရက်နေ့တွင် ပါလီမန်ရွေး ကောက်ပွဲများ ကျင်းပရန် ကြေညာပြီး ကပ်ရောဂါတုံ့ပြန်မှု ပိုမိုကောင်းမွန် အောင်လုပ်ရန် ကတိပေးပြီးနောက် တနေ့တွင် ကန်သမ္မတ ဘိုင်ဒင်ကို ဖုန်းဖြင့် ဆက်သွယ်ခဲ့ခြင်းဖြစ်သည်။
ရဲခေါင်(Ref:Reuters)