ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် မေ ၂၇
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု ၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ မေ ၂၆ ရက်၊ နံနက် ၁ နာရီခွဲအချိန်တွင် လှည်းကူးမြို့နယ်ရဲတပ်ဖွဲ့မှ တပ်ဖွဲ့ဝင်များသည် ချစ်ကိုနိုင်ထံမှ အရိုးအသွား(၁၂)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ မင်္ဂလာဒုံမြို့နယ်ရဲတပ်ဖွဲ့မှ တပ်ဖွဲ့ဝင် များသည် ည ၁၂ နာရီအချိန်တွင် ချစ်တီးကုန်းရပ်ကွက်၊ (၆)လမ်းဘေး၌ သူရအောင်ထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ရွှေပြည်သာမြို့နယ်ရဲတပ်ဖွဲ့မှ တပ်ဖွဲ့ဝင်များသည် နံနက် ၂ နာရီခွဲအချိန်တွင် (၁)ရပ်ကွက်၊ ပြည်ကျော်အေး လမ်းမပေါ်၌ အောင်မျိုးထံမှ အရိုးအသွား(၂၈) လက်မခန့်ရှိ ငှက်ကြီးတောင်ဓားတစ်ချောင်းကို လည်းကောင်း၊ လသာမြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၂၆ ရက်၊ နံနက် ၄ နာရီ ၃၅ မိနစ်အချိန်တွင် (၃)ရပ်ကွက်၊ မဟာဗန္ဓုလလမ်းနှင့် လမ်း(၂၀) ထောင့်၌ လှိုင်မြင့်သန်းထံမှ အရိုးအသွား(၁၀)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊ ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် နံနက် ၁ နာရီ ၁၀ မိနစ်အချိန်တွင် (၁၉)ရပ်ကွက်၊ ဇေယျာမြိုင် လမ်းမပေါ်၌ ဝေယံအောင်ထံမှ အရိုးအသွား(၃)ပေ(၉)လက်မခွဲခန့်ရှိ လှံချွန်တစ်ချောင်းနှင့် ၀၄၃၀ အချိန်တွင် (၁၀၇)ရပ်ကွက်၊ ဥက္ကာလမ်းမပေါ်၌ သိန်းသန်းစိုးထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ရန်ကင်းမြို့နယ် ရဲတပ်ဖွဲ့မှတပ်ဖွဲ့ဝင်များသည် မေ ၂၆ ရက်၊ ညနေ ၄ နာရီ ၄၅ မိနစ်အချိန်တွင် (၂) ရပ်ကွက်၊ စည်ပင်လမ်းမပေါ်၌ ခန့်မင်း(ခ)စူပါ ထံမှ အရိုးအသွား(၇)လက်မခွဲခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၄ နာရီ ၄၀ မိနစ်အချိန်တွင် အောင်သစ္စာလမ်းထိပ်၌ သူရအောင်ထံမှ အရိုးအသွား(၇)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ မြောက်ဥက္ကလာပမြို့နယ်ရဲတပ်ဖွဲ့မှတပ်ဖွဲ့ဝင်များသည် မွန်းလွဲ ၁ နာရီအချိန်တွင် (ဌ)ရပ်ကွက်၊ စကားဝါ(၄)လမ်းမပေါ်၌ အောင်စိုးထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းနှင့် မွန်းလွဲ ၁ နာရီခွဲအချိန်တွင် ညောင်ရမ်း လမ်းပေါ်၌ ဝင်းအောင်(ခ)အာနိုး ထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှိုင်မြို့နယ် ရဲတပ်ဖွဲ့မှတပ်ဖွဲ့ဝင်များသည် မေ ၂၆ ရက်၊ ညနေ ၆ နာရီ ၁၀ မိနစ်အချိန်တွင် သောင်းအေး ထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဒဂုံမြို့သစ်(ဆိပ်ကမ်း)မြို့နယ် ရဲတပ်ဖွဲ့မှ တပ်ဖွဲ့ဝင်များသည် ည ၇ နာရီခွဲအချိန်တွင် (၆၇)ရပ်ကွက်၊ ချင်းတွင်း(၅)လမ်း၌ ဓားကိုင် သောင်းကျန်းနေသော ကျော်နိုင်ဝင်းထံမှ အရိုးအသွား(၆)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း၊ လှိုင်သာယာ(အရှေ့ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၆ နာရီ ၂၀ မိနစ်အချိန်တွင် အမှတ်(၄)လမ်းမပေါ်၌ အောင်ပိုင်စိုး ထံမှ အရိုးအသွား(၉)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှည်းကူးမြို့နယ်ရဲတပ်ဖွဲ့မှတပ်ဖွဲ့ဝင်များသည် မေ ၂၆ ရက်၊ ညနေ ၄ နာရီ ၄၅ မိနစ်အချိန်တွင် ချမ်းမင်းဦး ထံမှ အရိုးအသွား(၂၂)လက်မခန့်ရှိ ငှက်ကြီးတောင်ဓားတစ်ချောင်း၊ ညနေ ၄ နာရီ ၅၀ မိနစ် အချိန်တွင် ကျော်ဇင်ဝေထံမှ အရိုးအသွား(၂၀)လက်မခန့်ရှိ ငှက်ကြီးတောင်ဓားတစ်ချောင်း၊ ညနေ ၅ နာရီ ၂၅ မိနစ် အချိန်တွင် ထွန်းနိုင်ထံမှ အရိုးအသွား(၁၀)လက်မခန့်ရှိ ထိပ်ဦးချွန်ဓားတစ်ချောင်းနှင့် ကျော်မင်းထံမှ အရိုးအသွား(၃၅)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာ ရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး
