မျက်စိအထူးကုဆေးရုံကြီးသို့ မျက်စိဝေဒနာရှင်များ ပြသရာတွင် လိုက်နာဆောင်ရွက်ရမည်များ ထုတ်ပြန်
ရန်ကုန်၊ စက်တင်ဘာ ၂၃
ရန်ကုန် မျက်စိရောဂါအထူးကုဆေးရုံကြီးသို့ လာရောက် ပြသမည့် မျက်စိဝေဒနာရှင်များအနေဖြင့် အချိန်ကြာမြင့်စွာ စောင့်ဆိုင်းနေရခြင်း မရှိစေရန်အတွက် မျက်စိအထူးကုဆေးရုံကြီးသို့ ကြိုတင်ဆက်သွယ် ဆောင်ရွက်မှုများပြုလုပ်ထားရန် လိုအပ်ကြောင်း သိရသည်။
လာရောက်ပြသလိုသည့် မျက်စိဝေဒနာရှင်များအနေဖြင့် ကြိုတင်ဆက်သွယ် ဆောင်ရွက်နိုင်ရန်အတွက် ယခုဖော်ပြပါ ဖုန်းနံပါတ်များဖြစ်သည့် ၀၉-၈၈၈၆၂၉၉၄၅၊ ၀၉-၈၈၈၆၂၉၉၅၄ တို့သို့ အပတ်စဉ် တနင်္လာနေ့မှ သောကြာနေ့အထိ နံနက် ၉ နာရီမှ ညနေ ၃ နာရီအတွင်း ကြိုတင်ဆက်သွယ် စာရင်းပေးသွင်းခြင်းများ ဆောင်ရွက်ထားရမည်ဖြစ်သည်။
အဆိုပါ မျက်စိဆေးရုံသို့ ဝေဒနာရှင်များ လာရောက်ပြသရာ တွင်လည်း ကိုဗစ်-၁၉ ရောဂါ ကူးစက်ပြန့်ပွားမှုဟန့်တား နိုင်ရန်အတွက် မျက်စိဝေဒနာရှင်နှင့်အတူ အဖော်တစ်ဦးသာ လိုက်ပါလာရမည်ဖြစ်ပြီး နှာခေါင်းစည်း (Mask) စနစ်တကျ တပ်ဆင်ခြင်း၊ မျက်စိရောဂါနှင့်ပတ်သက်ပြီး ကုသသည့် ဆေးမှတ်တမ်းဟောင်းများနှင့် ဆေးဝါးများပါ ယူဆောင်လာရမည် ဖြစ်ပြီး မျက်စိဆေးရုံအတွင်း သတ်မှတ်ထားသည့် စည်းကမ်းချက် များကို လိုက်နာဆောင်ရွက်ကြရန်လိုအပ်ကြောင်း မျက်စိအထူးကု ဆေးရုံကြီးမှ ထုတ်ပြန်ကြေညာထားသည်။
မေဘယ်လ်အောင်
