နတ်တလင်းမြို့နယ်အတွင်းရှိ Quarantine များမှ စောင့်ကြည့်ခံလူများအားလုံးကျန်းမာလျက်ရှိ

နတ်တလင်း  မေ  ၂၆

ပဲခူးတိုင်းဒေသကြီး၊ သာယာဝတီခရိုင်၊ နတ်တလင်းမြို့နယ်အတွင်းရှိ Quarantine Center များတွင်ထားရှိ သောစောင့်ကြည့်ခံလူများအားလုံး မေ ၂၅ ရက်အထိ ကျန်းမာရေးကောင်းမွန်လျက်ရှိကြောင်း သိရသည်။ နတ်တလင်းမြို့နယ်တွင် Quarantine Center ၇ ခုထားရှိရာ တာပွန်မြို့ ငါးထပ်ကြီးဘုရားဓမ္မာရုံတွင် ၁၅ ဦး၊ ကရင်ကုန်း​ကျေးရွာအထကတွင် ၂၂ ဦး၊ နတ်တလင်းမြို့နယ် မန္တလေးကျောင်းတိုက်တွင် ၆ ဦး၊ အောင်ဇေယျာကျေးရွာ ပြည်သူ့ဆေးရုံဟောင်းတွင် ၅ ဦး၊ ကြိုးကြာကန်ကျေးရွာ အထကတွင် ၄ ဦး၊ အုတ်ရှစ်လှကျေးရွာ ဘုန်းတော်ကြီးကျောင်းတွင် တစ်ဦးနှင့် ပဲမခမ်းကျေးရွာ အထကတွင်၂ ဦးဖြစ်ပြီး စုစုပေါင်း ၅၅ ဦးဖြစ်ကာ စောင့်ကြည့်ခံသူများအားလုံး ကျန်းမာလျက်ရှိကြောင်း သိရသည်။                

ဝင်းမြင့် (နတ်တလင်း)