စက်တင်ဘာ ၈
ကမ္ဘာ့ တန်ဖိုးအကြီးဆုံးအသင်း တွေ ထွက်ပေါ်လာခဲ့ပြီဖြစ်ကာ အင်္ဂလန်အသင်းက အံ့အားသင့်ဖွယ် ထိပ်ဆုံးက ရပ်တည်နေပါတယ်။ ဆောက်ဂိတ်ရဲ့ အင်္ဂလန်အသင်းဟာ ပြီးခဲ့တဲ့ နွေရာသီတုန်းက ယူရို ၂၀၂၀ ဖိုင်နယ်ကို တက်ရောက်နိုင်ခဲ့ပေမယ့် အီတလီကိုအရေးနိမ့်ခဲ့တာဖြစ်ပါတယ်။
အပြောင်းအရွှေ့အရ အင်္ဂလန် အသင်းဟာ လူစာရင်းတန်ကြေး စုစုပေါင်း ပေါင် ၁ ဒသမ ၀၆ ဘီလီယံ အထိ ရှိနေတယ်လို့ ဖော်ပြခဲ့ပါတယ်။ အဆိုပါအခြေအနေ ကြောင့် ကမ္ဘာ့ဖလား ပိုင်ရှင် ပြင်သစ်အသင်းရဲ့အထက်မှာ ရပ်တည်စေတာဖြစ်ပါတယ်။ ဘရာဇီး နဲ့ အီတလီကတော့ အဆင့် ၃ နဲ့ ၄ နေရာမှာ အသီးသီးရပ်တည်နိုင်ခဲ့ကာ ဂျာမနီအသင်းကတော့ အဆင့် ၅ နေရာ မှာ ပါဝင်လာပါတယ်။
ထိပ်ဆုံး(၁၀)သင်း ၁။ အင်္ဂလန်- ပေါင် ၁ ဒသမ ၀၆ ဘီလီယံသန်း ၂။ ပြင်သစ် - ပေါင် ၉၃၁ ဒသမ ၅၀သန်း ၃။ ဘရာဇီး - ပေါင် ၈၇၅ ဒသမ ၁၆သန်း ၄။ အီတလီ- ပေါင် ၇၉၇ ဒသမ ၄၀သန်း ၅။ ဂျာမနီ- ပေါင် ၇၉၃ ဒသမ ၈၀ သန်း ၆။ စပိန်- ပေါင် ၆၅၆ ဒသမ ၅၅ သန်း ၇။ ပေါ်တူဂီ- ပေါင် ၆၃၄ ဒသမ ၅၀ သန်း ၈။ အာဂျင်တီးနား - ပေါင် ၆၂၀ ဒသမ ၅၅ သန်း ၉။ နယ်သာလန် - ပေါင် ၅၈၉ ဒသမ ၅၀ သန်း ၁၀။ ဘယ်လ်ဂျီယံ- ပေါင် ၄၄၁ ဒသမ ၄၅ သန်း အင်္ဂလန် ဟာ ကမ္ဘာ့ဖလားခြေစစ်ပွဲမှာ ၂ ပွဲကစား ၂ ပွဲစလုံးကို အနိုင်ရရှိထားခဲ့ပါတယ်။
ဆောက်ဂိတ်ကတော့ လာမယ့် ကမ္ဘာ့ဖလား ကိုပစ်မှတ်ထားနေတယ် လို့ဆိုပါတယ်။ “တကယ်လို့ ကမ္ဘာ့ဖလား ချန်ပီယံလောင်းစာရင်းမှာ ပါဝင် ဖို့ အလိုရှိတယ်ဆို အချိန်ဖြုန်း လို့ မဖြစ်ပါဘူး” လို့ ဆောက်ဂိတ်က ပြောကြားခဲ့ပါတယ်။
(SO)