နယူးဒေလီ ဩဂုတ် ၁၉
တရုတ်ဆေးဝါးကုမ္ပဏီ Sinovac Biotech က သီရိလင်္ကာနိုင်ငံတွင် COVID-19 ကာကွယ်ဆေးစက်ရုံ မကြာမီ တည်ဆောက်မည်ဖြစ်ကြောင်း အိန္ဒိယ အင်္ဂလိပ်နေ့စဉ်သတင်းစာ Hindustan Times တွင် သတင်းဖော်ပြထားသည်။
အဆိုပါစက်ရုံကို Southern ပြည်နယ် ဟမ်ဘန်တိုတာခရိုင်၏ အဓိကမြို့ဖြစ် သော ဟမ်ဘန်တိုတာရှိ ဆေးဝါးထုတ် လုပ်ရေးဇုန်တွင် တည်ဆောက်သွားမည် ဖြစ်ကြောင်း တရုတ်နိုင်ငံဆိုင်ရာ သီရိ လင်္ကာနိုင်ငံ သံအမတ်ကြီး Palitha Kohona က ပြောကြားသည်။
သီရိလင်္ကာနိုင်ငံတွင် COVID-19 ကာကွယ်ဆေး တောင်းဆိုချက်မြင့်မား လာခြင်းကြောင့် ယခုနှစ် အစောပိုင်း၌ ယင်းဇုန်အတွင်း ကာကွယ်ဆေးစက်ရုံ တည်ဆောက်ရန် သီရိလင်္ကာနိုင်ငံပိုင် State Pharmaceutical Corporation (SPC) က တရုတ်နိုင်ငံ အစိုးရနှင့်အနီးကပ် ဆောင်ရွက်ခဲ့ခြင်းဖြစ်ကြောင်း သိရ သည်။
ထို့နောက် SPC and Sinovac တို့ သည် သဘောတူညီချက်ကို အပြီးသတ် ဆောင်ရွက်ခဲ့ကြောင်း၊ လက်ရှိတွင် စက်ရုံအသေးစိတ်အချက်အလက်များ မှာမူ လုပ်ဆောင်နေဆဲဖြစ်ကြောင်း Kohona က ဆိုသည်။ သဘောတူညီ ချက်အရ သီရိလင်္ကာအနေဖြင့် COVID-19 ကာကွယ်ဆေး ၉ သန်းကို ရရှိမည် ဖြစ်သည်။ ရဲခေါင် (ref; BBC)