ကိုလံဘို ဩဂုတ် ၁၈
သီရိလင်္ကာနိုင်ငံ အစိုးရသည်အသက် ၁၂ နှစ်အထက် ကလေးများအား တစ်ဆင့် ပြီးတစ်ဆင့် COVID-19 ကာကွယ်ဆေး ထိုးနှံပေးရန် စီစဉ်ထားသည်ဟု ဝန်ကြီး ချုပ် Mahinda Rajapaksa က ပြော ကြားထားကြောင်း ဒေသတွင်းမီဒီယာ က ဖော်ပြထားသည်။
ရှုပ်ထွေးမှုများစွာဖြင့် ကလေးငယ် များအား ကာကွယ်ဆေးထိုးနှံခြင်းအစီ အစဉ်တွင် ဦးစားပေးထားရှိကြောင်း Rajapaksa က ပြောသည်။ လက်ရှိတွင် အစိုးရအနေဖြင့် အသက် ၃၀ နှစ် အထက် နိုင်ငံသားများအားလုံးကို နိုင်ငံတစ်ဝန်း အသုံးပြုလျက်ရှိသော ကာကွယ်ဆေး များအနက် ဦးဆောင်ကာကွယ်ဆေး ဖြစ်သော တရုတ်နိုင်ငံ၏ Sinopharm ကာကွယ်ဆေးဖြင့် ထိုးနှံလျက်ရှိကြောင်း၊ အခြားကာကွယ်ဆေးများမှာ Astra Zeneca ၊ Pfizer ၊ Sputnik V နှင့် Moderna ကာကွယ်ဆေးများဖြစ်ကြောင်း သိရ သည်။
သီရိလင်္ကာနိုင်ငံတွင် လက်ရှိအချိန် အထိ အသက် ၃၀ နှစ်အထက် လူဦးရေ ၁၁ သန်းကျော်ကို ပထမအကြိမ် ကာကွယ် ဆေးထိုးနှံထားပြီးဖြစ်ကြောင်းနှင့် ယင်း တို့အနက် လူပေါင်း ၃,၆၉၈,၃၀၃ ဦးမှာ ဒုတိယအကြိမ် ကာကွယ်ဆေးထိုးနှံ ထားပြီးဖြစ်ကြောင်း သိရသည်။
မျိုးဝင်း (ref; Xinhua)