နယူးယောက်၊ ဩဂုတ် ၁၃
ကိုရိုနာဗိုင်းရပ်စ် ဒယ်လ်တာမျိုးကွဲ ကို ကာကွယ်ရာတွင် Pfizer and BioNTech ၏ mRNA ကာကွယ်ဆေး သည် Moderna ကာကွယ်ဆေးထက် ထိရောက်မှုနည်းကြောင်း အစီရင်ခံစာ နှစ်ခုအရ သိရသည်။
Mayo Clinic Health System မှ လူနာပေါင်း ၅ သောင်းကျော်ကို လေ့လာရာတွင် Moderna ကာကွယ် ဆေး၏ ထိရောက်မှုသည် ယခုနှစ်အ စောပိုင်းက ၈၆ ရာခိုင်နှုန်းရှိရာမှ ဒယ်လ် တာမျိုးကွဲလွှမ်းမိုးချိန် လွန်ခဲ့သောလက ၇၆ ရာခိုင်နှုန်းအထိကျဆင်းခဲ့သည်။
ယင်းကာလအတွင်း Pfizer-BioNTech ကာကွယ်ဆေးသည် ထိ ရောက်မှု ၇၆ ရာခိုင်နှုန်းမှ ၄၂ ရာခိုင် နှုန်းသို့ ကျဆင်းခဲ့ကြောင်း သုတေသီ များက ပြောသည်။
အဆိုပါ ကာ ကွယ်ဆေး ၂ ခုလုံးသည် ကိုဗစ်-၁၉ ကြောင့် ဆေးရုံတက်ရခြင်းကို ထိထိရောက်ရောက် ကာကွယ်နိုင်သော် လည်း ယခုနှစ်အစောပိုင်းက Pfizer သို့မဟုတ် Moderna ကာကွယ်ဆေး ထိုးထားသူများသည် Moderna အား ဖြည့် ကာကွယ်ဆေး ထပ်မံထိုးရဖွယ်ရှိ ကြောင်း Mayo လေ့လာမှုကို ဦးဆောင် သူ မက်ဆာချူးဆက်ရှိ nference ခွဲခြမ်း စိတ်ဖြာလေ့လာရေးကုမ္ပဏီမှ Dr. Venky Soundararajan က ပြော သည်။
သီးခြားလေ့လာမှုတစ်ခုအရ အွန် နာရီယိုရှိ သက်ကြီးရွယ်အိုစောင့်ရှောက် ရေးဂေဟာတွင် နေထိုင်သူများသည် Moderna ကာကွယ်ဆေးထိုးပြီးသော အခါ Pfizer-BioNTech ကာကွယ် ဆေးထက် ကိုယ်ခံစွမ်းအားခုခံမှု ပိုမိုရရှိ ကြကြောင်း တွေ့ရသည်။
လွန်ခဲ့သော ၅ လနှင့်အထက် Pfizer-BioNTech ကာကွယ်ဆေး ထိုးပြီးသူများသည် ထိုထက်နည်းသော ကာလတွင် ကာကွယ်ဆေးထိုးပြီးသူများ ထက် ကိုဗစ်နိုင်တင်းကူးစက်နိုင်ခြရှိ ကြောင်း သုတေသနအသစ်များကပြော သည်။ ရဲခေါင် (ref; Reuters)