တာချီလိတ်မြို့နယ်၌ စိတ်ကြွရူးသွပ်ဆေးပြားများ သိမ်းဆည်းရမိ
တာချီလိတ် ဇူလိုင် ၂၆
မူးယစ်ဆေးဝါး တားဆီးနှိမ်နင်း ရေးရဲတပ်ဖွဲ့မှ တပ်ဖွဲ့ဝင်များပါဝင် သော ပူးပေါင်းအဖွဲ့သည် ဇူလိုင် ၂၃ ရက် မွန်းလွဲ ၁ နာရီ ၁၅ မိနစ်တွင် တာချီလိတ်မြို့နယ် မိုင်းဆတ်-တာချီ လိတ်ကားလမ်း လွယ်တော်ခမ်း ကျေးရွာအုပ်စု လွယ်တော်ခမ်းကျေးရွာ အနီး၌ လီညာမောင်းနှင်လာသည့် မော်တော်ဆိုင်ကယ်ကို ရပ်တန့်ရှာဖွေ စစ်ဆေးရာ ငွေကျပ်သိန်း ၁၀၀၀ တန်ဖိုးရှိ စိတ်ကြွရူးသွပ်ဆေးပြား ၂၀၀၀၀၀ ကိုဖမ်းဆီး ရမိခဲ့သည်။
အလားတူ ဇူလိုင် ၂၄ ရက် နံနက် ၇ နာရီခန့်တွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည်နောင်ချိုမြို့နယ် သီပေါ-နောင်ချိုသွားကားလမ်း နောင်ချိုမြို့အဝင် အိုရီယမ်တယ် တိုးဂိတ်အနီး၌ ရန်နိုင်ဆွေမောင်းနှင် ပြီး ခိုင်လင်း(ခ)ကိုလေး လိုက်ပါလာ သည့် မော်တော်ဆိုင်ကယ်ကို ရပ်တန့် ရှာဖွေ စစ်ဆေးရာ ဘိန်းဖြူ သုည ဒသမ ၁၁ ကီလို၊ စိတ်ကြွရူးသွပ်ဆေးပြား ၂,၀၀၀ ပြားကို ဖမ်းဆီးရမိခဲ့သဖြင့် ယင်းတို့ကို မူးယစ်ဆေးဝါးနှင့်စိတ်ကို ပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရ သည်။
ဆွေဦး
