ကော့မှူးမြို့နယ်အတွင်းရေစီးရေလာကောင်းမွန်ရေး ဆောင်ရွက်
ရန်ကုန် ဇွန် ၁၈
ရန်ကုန်တိုင်းဒေသကြီး၊ ကော့မှူးမြို့တွင်း ရေကြီးရေလျှံမှုမဖြစ်စေရေးအတွက် ဇွန် ၁၈ ရက်၊ နံနက်ပိုင်းက မြို့နယ်အမှုဆောင်အရာရှိနှင့် တာဝန်ခံအင်ဂျင်နီယာများ၏ ကြီးကြပ်မှုဖြင့် ကော့မှူးမြို့နယ်၊ ပြည်တော်သာရပ်ကွက်၊ ပြည်တော်သာ(၁)လမ်း၊ (၂)လမ်းနှင့် ဘုရင့်နောင် လမ်းများတွင် စက်ယန္တရား၊ လူအင်အားများဖြင့် ရေမြောင်းများရှင်းလင်းသည်။
ကော့မှူးမြို့နယ် စည်ပင်သာယာရေးအဖွဲ့ အနေဖြင့် ရေစီးရေလာကောင်းမွန်ရေးအတွက် ယခုနှစ်အတွင်း စက်အားဖြင့် ပေ ၁၅၄၀၀၊ လူအားဖြင့် ပေ ၄၆၀၀၊ စုစုပေါင်း ပေ ၂၀၀၀၀ ဆောင်ရွက်ရန် လျာထားရာ ယနေ့အထိ စက်အားဖြင့် ပေ ၅၈၀၀၊ လူအားဖြင့် ပေ ၁၆၅၀၊ စုစုပေါင်း ပေ ၇၄၅၀ ရှင်းလင်းတူးဖော်ပြီးကြောင်း သိရသည်။
(ကော့မှူးစည်ပင်)
