Searchlight ၏ Nightmare Alley ဇာတ်ကားရိုက်ကူးရေးလုပ်ငန်းများပြီးစီး

 ဇွန်     ၁၈

ဒါရိုက်တာဂွီလာမိုဒယ်တိုရို၏ Nightmare Alley စိတ္တဇ လျှို့ဝှက်သည်းဖိုဇာတ်ကားသစ် ရိုက်ကူးရေးလုပ်ငန်းများပြီးစီးခဲ့ပြီ ဖြစ်ကြောင်း သိရသည်။

စာရေးဆရာဝီလျံလင်ဆေးဂရက်ဟမ်၏ ဝတ္ထုကိုဇာတ်အိမ် တည်ရိုက်ကူးထားသော Nightmare Alley ဇာတ်ကားတွင် ဘရက်ဒလေကူးပါး၊ ကိတ်ဘလန်းချက်နှင့် တိုနီကော်လက်တီစသည့် ကမ္ဘာကျော်မင်းသား၊ မင်းသမီးများကပါဝင်သရုပ်ဆောင်ထားကြသည်။

ဒါရိုက်တာဂွီလာမိုဒယ်တိုရိုသည် Nightmare Alley ဇာတ်ကားကို COVID-19 ရောဂါကြောင့် ရိုက်ကူးရေးလုပ်ငန်းများကို ယာယီ  ရပ်ဆိုင်းခဲ့ရသော်လည်း ပြီးခဲ့သည့်လများအတွင်း ဇာတ်ကားရိုက်ကူးရေးလုပ်ငန်းများကိုပြန်လည်စတင်ခဲ့ပြီးယခုအခါတွင် ရိုက်ကူးရေး လုပ်ငန်းများအားလုံးပြီးစီးခဲ့ခြင်းဖြစ်သည်။

ရိုက်ကူးရေးလုပ်ငန်းများပြီးဆုံးခဲ့ပြီဖြစ်သော်လည်း အဆိုပါ ဇာတ်ကားရုံတင်ပြသမည့်ရက်ကို Searchlight ရုပ်ရှင်ကုမ္ပဏီက ကြေညာခြင်းမရှိသေးကြောင်း သိရသည်။            

(သူရိန်)