မောင်တောနှင့် တာချီလိတ်မြို့နယ်တို့၌ မူးယစ်ဆေးဝါးများ သိမ်းဆည်းရမိ
မောင်တော၊ ဇွန် ၈
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်းအဖွဲ့သည် ဇွန် ၆ ရက် မွန်းလွဲ ၃ နာရီတွင် မောင်တောမြို့ ဝေသာလီရပ်ကွက်၌ မဦးလှယိုင်နှင့် မသိန်းယဉ်တို့နှစ်ဦးကို မသင်္ကာဖွယ် တွေ့ရှိသဖြင့် စစ်ဆေးရှာဖွေရာ မဦးလှယိုင်ထံမှ စိတ်ကြွရူးသွပ် ဆေးပြား ၁၅၅ ပြား၊ မသိန်းယဉ်ထံမှ စိတ်ကြွရူးသွပ်ဆေးပြား ၇၆၀၀ နှင့် စိတ်ကြွဆေးပြားအကြေ သုည ဒသမ ၁၈ ကီလိုတို့ကိုလည်းကောင်း၊ ယင်းနေ့ မွန်းလွဲ ၂ နာရီခွဲတွင် မူးယစ်ဆေးဝါးတားဆီး နှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် တာချီလိတ်မြို့နယ် ဝမ်လုံကျေးရွာအနီးတွင် စိုင်းထိုင်း မောင်းနှင်လာသည့် မော်တော်ဆိုင် ကယ်ကို ရပ်တန့်စစ်ဆေးရှာဖွေရာ စိတ်ကြွရူးသွပ်ဆေးပြား ၁၀၀၀၀ ကို လည်းကောင်း၊ ဆက်လက်၍ မွန်းလွဲ ၃ နာရီခွဲတွင် ယင်းနေထိုင်သည့် ဝမ်လုံကျေးရွာရှိ နေအိမ်သို့ ဝင်ရောက် ရှာဖွေခဲ့ရာ စိတ်ကြွရူးသွပ်ဆေးပြား ခုနစ်ပြားနှင့် အိုက်စ်တစ်ဂရမ်ခန့်တို့ကို လည်းကောင်း ထပ်မံသိမ်းဆည်းရမိခဲ့ သဖြင့် ယင်းတို့အား မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါး များဆိုင်ရာဥပဒေအရ အရေးယူထား ကြောင်း သိရသည်။ ဆွေဦး
