ကသာ၊ စမ်းချောင်းနှင့် မူဆယ်မြို့နယ်တို့၌ မူးယစ်ဆေးဝါးများ သိမ်းဆည်းရမိ ကသာ၊
မေ ၃၁
မူးယစ်ဆေးဝါး တားဆီးနှိမ်နင်း ရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် မေ ၂၉ ရက် ည ၈ နာရီတွင် ကသာမြို့နယ် ပင်းမလွတ် ကျေးရွာအနီး ကသာ- အင်းတော်သွား ကားလမ်း၌ သဲကိုမောင်းနှင်လာသည့် မော်တော်ဆိုင်ကယ်ကို ရပ်တန့်စစ်ဆေး ရှာဖွေရာ ဘိန်းဖြူ သုည ဒသမ ၁၄ ကီလိုနှင့် စိတ်ကြွရူးသွပ်ဆေးပြား ၅၅၀၀ တို့ကိုလည်းကောင်း၊ မွန်းလွဲ ၃ နာရီတွင် စမ်းချောင်းမြို့နယ် ကျွန်းတော (အလယ်)ရပ်ကွက် မြောင်းမြလမ်း၌ နိုင်လင်းထက်မောင်းနှင်၍ မမာထ(ခ)ရားမီးလိုက်ပါလာသည့် Alphardအမျိုး အစားမော်တော်ယာဉ်ကို သတင်းအရ စောင့်ဆိုင်းနေစဉ် အဆိုပါ မော်တော် ယာဉ်ရောက်ရှိလာပြီး ယာဉ်ပေါ်မှ မမာထ(ခ)မီးသည် ကတ်ထူပုံးတစ်ပုံး ကို ကိုင်ဆောင်၍ ဆင်းလာသဖြင့် စစ်ဆေးရှာဖွေစဉ် နိုင်လင်းထက်မှာ မော်တော်ယာဉ် မောင်းနှင်ထွက်ပြေး သွားသောကြောင့် ယင်းကတ်ထူပုံးကို ဆက်လက်ရှာဖွေရာ စိတ်ကြွရူးသွပ် ဆေးပြား ၁၀၀,၀၀၀ ကို သိမ်းဆည်းရမိ ခဲ့ပြီး ဆက်လက်၍ ညနေ ၃ နာရီခွဲ တွင် စမ်းချောင်းမြို့နယ် သံတံတား ရပ်ကွက်ရှိ နိုင်လင်းထက်၏ နေအိမ်သို့ ဝင်ရောက်ရှာဖွေရာ ယင်းအားမတွေ့ ရှိရဘဲ နေအိမ်ရှေ့သို့ ရောက်ရှိလာ သော ထွန်းကျော် (ခ) သံချောင်း မောင်းနှင်လာသည့် Crover အမျိုး အစား မော်တော်ယာဉ်ကို စစ်ဆေးရှာ ဖွေရာ စိတ်ကြွရူးသွပ်ဆေးပြား ၂၀၀၀ တို့ကိုလည်းကောင်း၊ မေ ၂၈ ရက် မွန်းလွဲ ၁ နာရီခွဲတွင် မူဆယ်မြို့ ဟိုမွန်ရပ်ကွက် သိန်းသန်းချီ မော်တော် ယာဉ်ရပ်နားဝင်းအတွင်းရှိ ကားဂိတ်၌ သတင်းအရ သက်ပိုင်စိုး(ခ) ပိုင်စိုးကို ဖမ်းဆီးရမိခဲ့ပြီး စစ်ဆေးဖော်ထုတ်ချက် အရ ညနေ ၃ နာရီခွဲတွင် ယင်းငှား ရမ်းနေထိုင်သည့် မူဆယ်မြို့ ကောင်း မူးတုံရပ်ကွက်ရှိ နေအိမ်သို့ ဝင်ရောက် ရှာဖွေရာ မယဉ်လဲ့အေးကို တွေ့ရ ပြီး နေအိမ်အတွင်းမှ ဘိန်းဖြူ ၂ ဒသမ ၂ ကီလိုတို့ကိုလည်းကောင်း သိမ်းဆည်းရမိခဲ့သဖြင့် ယင်းတို့အား မူးယစ်ဆေးဝါးနှင့် စိတ်ကိုပြောင်းလဲ စေသော ဆေးဝါးများဆိုင်ရာ ဥပဒေ အရ အရေးယူထားကြောင်း သိရသည်။
ဆွေဦး
