နောင်ချိုမြို့နယ်တွင် ငွေကျပ်သိန်း ၂၀၀၀ ကျော် တန်ဖိုးရှိ ဘိန်းဖြူများ သိမ်းဆည်းရမိ
နောင်ချို၊ မေ ၂၉
ရှမ်းပြည်နယ် (မြောက်ပိုင်း)နောင်ချိုမြို့နယ်တွင် ငွေကျပ်သိန်း ၂၈၀၀ ကျော်တန်ဖိုးရှိ ဘိန်းဖြူများ သိမ်းဆည်းရမိခဲ့ကြောင်း မြန်မာနိုင်ငံ ရဲတပ်ဖွဲ့မှ သိရသည်။
ဖြစ်စဉ်မှာ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင် များပါဝင်သော ပူးပေါင်းအဖွဲ့သည် မေ ၂၇ ရက် မွန်းတည့် ၁၂ နာရီခန့် က နောင်ချိုမြို့နယ်၊ မူဆယ်-မန္တလေး သွားကားလမ်း မိုင်တိုင်အမှတ်(၈၀/၄) အနီးတွင် သီပေါမှ နောင်ချိုသို့ ကြည်လွင် (ခ) ဘိုဘိုကျော်မောင်းနှင်ပြီး ကျော်သူအောင် လိုက်ပါလာသည့် ခြောက်ဘီးယာဉ်ကို ရှာဖွေရာ ကာလ တန်ဖိုး ငွေကျပ်သိန်း ၂၈၀၀ ကျော် တန်ဖိုးရှိဘိန်းဖြူ ၁၈ ဒသမ ၇ ကီလို သိမ်းဆည်းရမိခဲ့ကြောင်း၊ စစ်ဆေး ဖော်ထုတ်ချက်အရ သိမ်းဆည်း ရမိ သောဘိန်းဖြူများကို ရှမ်းပြည်နယ် (မြောက်ပိုင်း) သီပေါမှ မန္တလေးသို့ သယ်ဆောင်ခြင်းဖြစ်ကြောင်း သိရ သဖြင့် ယင်းတို့ကို မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများကို စစ်ဆေး ဖော်ထုတ်လျက်ရှိကြောင်း သိရသည်။
ဆွေဦး
