သင်္ဃန်းကျွန်းမြို့နယ်တွင် မသင်္ကာဖွယ် ပစ္စည်းတစ်ခုတွေ့ရှိ
ရန်ကုန်၊ မေ ၂၉
ရန်ကုန်တိုင်းဒေသကြီး၊ အရှေ့ပိုင်း ခရိုင်၊ သင်္ဃန်းကျွန်းမြို့နယ်၊ မိကျောင်း ကန်အပိုင်း (၃) ရပ်ကွက်၊ ရတနာ သိပ္ပံလမ်းနှင့် အောင်သုခလမ်းသွယ် ထောင့် အိမ်အမှတ် (၁၆) အိမ်ဘေးတွင် မေ ၂၈ ရက်၊ နံနက် ၆ နာရီ ၄၀ မိနစ်အချိန်က မသင်္ကာဖွယ်ပစ္စည်း တစ်ခုတွေ့ရှိကြောင်း သတင်းအရ လုံခြုံရေးတပ်ဖွဲ့ဝင်များ ရောက်ရှိ စစ်ဆေးရာ Sprite အချိုရည်ဘူး အတွင်း၌ ဘောစေ့နှင့်ယမ်းများထည့် သွင်းကာ အရှည် ၆ လက်မ၊ လုံးပတ် ၂ လက်မခွဲခန့်ရှိ ဂတ်စ်ဘူးနှင့် ဝါယာ ကြိုးများချိတ်ဆက်၍ ရှော့တိုက်မိုင်း ဖြစ်ကြောင်း စစ်ဆေးတွေ့ရသည်။
အဆိုပါ မသင်္ကာဖွယ်ပစ္စည်းကို နံနက် ၈ နာရီ ၁၅ မိနစ် အချိန်တွင် အချိန်မီရှင်းလင်းမှုများ ဆောင်ရွက်ခဲ့ ကြောင်းသိရသည်။ စန္ဒာမိုး(ပြန်/ဆက်)
