ကျိုက်ထိုမြို့နယ်၊ မရမ်းချောင်စစ်ဆေးရေးဂိတ်၌ လက်နက်ခဲယမ်းများ ဖမ်းဆီးရမိ

ကျိုက်ထို၊  မေ ၂၉

မွန်ပြည်နယ်၊ ကျိုက်ထိုမြို့နယ်၊ မရမ်းချောင် စစ်ဆေးရေးဂိတ်၌ လုံခြုံရေးဆောင်ရွက်နေသည့် ပူးပေါင်း တပ်ဖွဲ့ဝင်များသည် မော်တော်ယာဉ် ဖြတ်သန်းသွားလာမှုများကို စစ်ဆေး ဆောင်ရွက်စဉ် မေ ၂၇ ရက် နေ့လယ်ပိုင်း တွင် ဘီးလင်းမြို့နယ်ဘက်မှ သိမ်ဇရပ် မြို့ဘက်သို့ အောင်ဖြိုးမင်း(ခ)ညီညီ မောင်းနှင်ပြီး ချမ်းမြေ့ဝင်းနှင့်သန့်ဇင် အောင်တို့ စီးနင်းလိုက်ပါလာသည့် Forland အမျိုးအစား မော်တော်ယာဉ် အမှတ်၊ 3P/--- ကျောက်သယ်ယာဉ် အား ရပ်တန့်စစ်ဆေးရာ ယင်းယာဉ် ပေါ်မှ M-16 မောင်းပြန်ရိုင်ဖယ် တစ်လက်၊ ပွိုင့်- ၃၀ ကာဘိုင်တစ်လက်၊ RPG တစ်လက်၊ Glock အမျိုးအစား ပစ္စတို တစ်လက်၊ M-16 ကျည်အိမ် ၂ ခု၊ ကာဘိုင်ကျည်အိမ်တစ်ခု၊ ပစ္စတိုကျည် အိမ်တစ်ခု၊ RPG ဒုံးသီး ၁၄ လုံး၊ ပို့ကျည် ၁၄ တောင့်၊ လက်နက်ငယ် ကျည် ၃၅ တောင့်တို့နှင့်အတူ တွေ့ရှိ ဖမ်းဆီးရမိခဲ့သည်။
အဆိုပါ လက်နက်၊ ခဲယမ်းများ၊ မော်တော်ယာဉ်နှင့် ဖမ်းဆီးရမိသူ များအား ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း သိရ သည်။                                    ဆွေဦး