ဖားကန့်နှင့် မဘိမ်းမြို့နယ်တို့တွင် မူးယစ်ဆေးဝါးများ သိမ်းဆည်းရမိ
ဖားကန့်၊ မေ ၂၉
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မေ ၂၇ ရက် ညနေ ၆ နာရီတွင် ဖားကန့်မြို့နယ် ဆိပ်မူကျေးရွာ၌ မသင်္ကာဖွယ်တွေ့ရှိသူ မနန်းဆိုင်ခမ်းကို စစ်ဆေးရှာဖွေရာ စိတ်ကြွရူးသွပ်ဆေးပြား ၃၅,၁၀၀ ကို လည်းကောင်း၊ မေ ၂၆ ရက် မွန်းလွဲ ၃ နာရီ ၁၅ မိနစ်တွင် မဘိမ်းမြို့နယ် ငါးအိုး ရဲကင်းစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့ သည် မဘိမ်းမြို့နယ် ဥယျာဉ်ပုကျေးရွာ နေ ထွန်းနိုင်(ခ)စုတ်ချွန်း၏ နေအိမ်သို့ ဝင်ရောက်ရှာဖွေရာ ဘိန်းဖြူ သုည ဒသမ ၀၃ ကီလိုနှင့် စိတ်ကြွရူးသွပ် ဆေးပြား ၅၀၀၀ တို့ကိုလည်းကောင်း သိမ်းဆည်းရမိ ခဲ့သဖြင့် ယင်းတို့အား မူးယစ်ဆေးဝါး နှင့် စိတ်ကိုပြောင်းလဲစေသော ဆေးဝါး များဆိုင်ရာဥပဒေအရ အရေးယူထား ကြောင်း သိရသည်။ ဆွေဦး
