ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် မေ ၁၉
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏အသက်အိုးအိမ် စည်းစိမ်ကိုထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက်ဖမ်းဆီး အရေးယူ ဆောင်ရွက်ခဲ့ရာ မေ ၁၈ ရက်၊ ညနေ ၅ နာရီ ၁၅ မိနစ်အချိန်တွင် သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် ၂/မြောက်ရပ်ကွက်၊ သဒ္ဒါရုံလမ်းမကြီးပေါ်၌ ဓားကိုင်သောင်းကျန်းနေသော ထက်မြက်ဖြိုးအောင်ထံမှ အရိုးအသွား (၈)လက်မခွဲခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ရန်ကင်းမြို့နယ်ရဲတပ်ဖွဲ့မှတပ် ဖွဲ့ဝင်များသည် ည ၇ နာရီခွဲအချိန်တွင် (၁၂)ရပ်ကွက်၊ သုခလမ်းမပေါ်၌ ဝင်းကျော်ကျော် (ခ)ကုလားထံမှ အရိုးအသွား(၁၁)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ သင်္ဃန်းကျွန်းမြို့နယ်ရဲတပ် ဖွဲ့မှတပ်ဖွဲ့ဝင်များသည် ၁၉ ;၄၀ အချိန်တွင် လေးထောင့်ကန်ရပ်ကွက်၊ ငမိုးရိပ်ဘူတာ သံလမ်းဘေး၌ ကျော်သီဟ(ခ)ပြည့်ပြည့်ထံမှ အရိုးအသွား(၈)လက်မခွဲခန့်ရှိ ထိပ်ဦးချွန်ဓားတစ်ချောင်းနှင့် ည ၈ နာရီအချိန်တွင် မောင်မောင်ထံမှ အရိုးအသွား (၇)လက်မ ခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ လှိုင်မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၈ နာရီခွဲအချိန်တွင် ဆက်သီဟနိုင်(ခ)ကိုဆက်ထံမှ အရိုးအသွား(၆) လက်မခန့်ရှိ ထိပ်ဦးချွန်ဓားတစ်ချောင်းနှင့် ည ၁၀ နာရီအချိန်တွင် အောင်ထွန်းလင်း(ခ)အောင်ကြီးထံမှ အရိုးအသွား (၂၁)လက်မခန့်ရှိ ငှက်ကြီးတောင်ဓားတစ်ချောင်းကိုလည်းကောင်း၊ ကြည့်မြင်တိုင်မြို့နယ်၊ စက်ဆန်းနယ်မြေရဲစခန်းမှတပ်ဖွဲ့ဝင်များ သည် ည ၁၀ နာရီခွဲအချိန်တွင် ပြုံးချိုထံမှ အရိုးအသွား (၁၂)လက်မခန့်ရှိ ထိပ်ဦးချွန်ဓားတစ်ချောင်းကို လည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး
