ကပ်ရောဂါတိုက်ဖျက်ရေး ပူးပေါင်းဆောင်ရွက်မှု တိုးချဲ့ဆောင်ရွက်သွားရန် ကမ္ဘာ့ခေါင်းဆောင်များ တိုက်တွန်း

ရောမ  မေ   ၂၄

ကပ်ရောဂါတိုက်ဖျက်ရေး ပူးပေါင်း ဆောင်ရွက်မှု တိုးချဲ့ဆောင်ရွက် သွားရန် ရောမမြို့၌ ကျင်းပပြုလုပ်သည့် ကမ္ဘာ့ ကျန်းမာရေးထိပ်သီးအစည်းအဝေးတွင် ကမ္ဘာ့ခေါင်းဆောင်များ တိုက်တွန်းပြော ကြားလိုက်သည်။ အဆိုပါ အစည်းအဝေး တွင် COVID-19 ကပ်ရောဂါတိုက်ဖျက် ရေး အတွေ့အကြုံများကို မျှဝေခဲ့ကြပြီး ကပ်ရောဂါတိုက်ဖျက်ရေး နိုင်ငံတကာ ပူးပေါင်းဆောင်ရွက်မှု တိုးချဲ့ဆောင်ရွက် သွားကာ အတူတကွ ကမ္ဘာလုံးဆိုင်ရာ ကျန်းမာရေးအန္တရာယ်ကို  ကာကွယ် တားဆီးသွားကြရန်  တိုက်တွန်းခဲ့ကြ သည်။

COVID-19 ကပ်ရောဂါဖြစ်ပွား ရာတွင် လက်ရှိချိန်နှင့် အနာဂတ်တို့၌ နိုင်ငံတကာပူးပေါင်းဆောင်ရွက်မှု၏ အရေးပါပုံကို  ပေါ်လွင်စေခဲ့ကြောင်း၊ လက်ရှိချိန်တွင် ဦးစားပေးဆောင်ရွက် သွားရမည့်ကိစ္စမှာ COVID-19 ကပ် ရောဂါအား အောင်မြင်အောင်တိုက်ဖျက် သွားရေးပင်ဖြစ်ပြီး ယင်းအတွက် ကမ္ဘာ့ ပြည်သူလူထုများကို အမြန်ဆုံးကာကွယ် ဆေးထိုးနှံပေးသွားရမည်ဖြစ်ကြောင်း အီတလီနိုင်ငံဝန်ကြီးချုပ်က ပြောကြား သည်။ ယင်းသို့ ပူးပေါင်းဆောင်ရွက်ရေး အတွက် G 20 အဖွဲ့ဝင်နိုင်ငံများအနေဖြင့် လည်း ကြေညာစာတမ်းတွင် ပါဝင်သည့် နိုင်ငံတကာပူးပေါင်းဆောင်ရွက်မှု မူဝါဒ စသည့် အခြေခံနိယာမတို့ကို လိုက်နာရန် ကတိပြုခဲ့ကြောင်း သိရသည်။   G 20 အဖွဲ့အနေဖြင့်  စည်းလုံးညီညွတ်မှုကို တိုးချဲ့သွားရန်၊  နက်ရှိုင်းစွာ ပူးပေါင်း ဆောင်ရွက်ရန်၊ သိပ္ပံနည်းကျမူဝါဒများ ချမှတ်သွားရန်၊ ကပ်ရောဂါကာကွယ် တားဆီးရေးလုပ်ငန်းတွင်  ပြည်သူကို ဗဟိုပြု၍ လုပ်ကိုင်ဆောင်ရွက်သွားရန်၊ ဘဏ္ဍာရေးနှင့် ကာကွယ်ဆေးစသည့် ကဏ္ဍများတွင် ဖွံ့ဖြိုးဆဲနိုင်ငံများအပေါ် ကူညီထောက်ပံ့မှုများ တိုးချဲ့သွားရန်တို့ ပါဝင်ကြောင်း သိရသည်။
 မျိုးဝင်း (Ref;AFP)