မြို့နယ်အချို့၌ ဆူပူအကြမ်းဖက်ရာတွင် အသုံးပြုမည့် လက်နက်၊ ပစ္စည်း၊ ကိရိယာများအား သိမ်းဆည်းရမိ
နေပြည်တော် မေ ၂၀
မေ ၁၈ ရက်၊ ညနေ ၅ နာရီခွဲ ခန့်တွင် မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာနွယ်စဉ် ရပ်ကွက်၊ ၇၁ လမ်းနှင့် ၇၂ လမ်း ကြား၊ ၃၈ လမ်းနှင့် ၃၉ လမ်းကြားရှိ အောင်သိဒ္ဓိဓမ္မာရုံ၏ စတိုခန်းအတွင်းမှ လက်လုပ်သေနတ် ၅ လက်၊ ဓားရှည် ၃ချောင်း၊ ဂျင်ကလိ ၁၀၃ ချောင်းအပါအဝင် ဆက်စပ်ပစ္စည်းများ အားလည်းကောင်း၊ ည ၇ နာရီ ၄၅ မိနစ်ခန့်တွင် ရန်ကုန်တိုင်းဒေသကြီး၊ ကမာရွတ်မြို့နယ်၊ အမှတ်(၃)ရပ်ကွက်၊ မဟာဘောဂ(၁)လမ်း၊ ခြံအမှတ် (၃) လူနေထိုင်ခြင်းမရှိသည့် ခြံဝင်းအတွင်း မှ မီးစာတပ်ဆင်ထားသော ဓာတ်ဆီ ပုလင်း ၃၄ လုံး၊ လက်လုပ် မိုင်းတစ် လုံးနှင့် အခြားဆက်စပ်ပစ္စည်းများ အား လည်းကောင်း၊ ည ၉ နာရီခန့် တွင်ပဲခူးတိုင်းဒေသကြီး၊ ပဲခူးမြို့၊ ကျွန်း သာယာရပ်ကွက်ရှိ “အောင်ရတနာ” ဘုန်းကြီးကျောင်း တိုက်၌ ဉူးသဇ္ဇ(ခ)ဦးသန့်ဇင် သက်တော်(၄၂)နှစ် ဝါတော် (၂၂)ဝါ (ဘ) ဦးလှသန်းအား ပွိုင့် ၂၂ ကျည် ၃ တောင့်၊ ဂျင်ကလိ ၉ ချောင်း၊ အကြမ်းဖက်ရာတွင် အသုံးပြုသည့် ပစ္စည်းများအားလည်းကောင်း တွေ့ရှိ သိမ်းဆည်းရမိသဖြင့် ဆက်လက် စစ်ဆေးလျက်ရှိကြောင်း သိရသည်။
ဆွေဦး
