ဒဂုံမြို့သစ်(ဆိပ်ကမ်း) မြို့နယ်၊ (၇၉) ရပ်ကွက်မှ နေအိမ်မီးလောင်မှု ဖြစ်ပွား
ရန်ကုန် မေ ၁၉
ဒဂုံဆိပ်ကမ်းမြို့နယ်၊ (၇၉)ရပ်ကွက်၊ အောင်သုခလမ်းသွယ်(၂ )၊ အမှတ်(၈၁၉)၊ Steel Structure (၁)ထပ်နေအိမ် အဆောက်အဦတစ်လုံး မေ ၁၈ ရက်၊ နံနက် ၄ နာရီက မီးလောင်မှုဖြစ်ပွားသည်။
ဖြစ်စဉ်မှာ အဆိုပါနေအိမ်၏ ပစ္စည်း များ ထားရှိရာအခန်းမှ အပူလွန်ကဲပြီး လောင်ကျွမ်းခဲ့ရာ မီးသတ်ယာဉ် (၁၁) စီး၊ ရေသယ်ယာဉ် ၆ စီးဖြင့် ငြှိမ်းခဲ့သဖြင့် နံနက် ၆နာရီတွင် မီးငြိမ်းခဲ့ကြောင်း၊ မီးလောင်ဆုံးရှုံးမှု တန်ဖိုးငွေ ကျပ် ၆ သိန်းခန့်ဆုံးရှုံးခဲ့ကြောင်း နှင့်မီးလောင်မှု ကြောင့် လူထိခိုက်ဒဏ်ရာရရှိမှု မရှိ ကြောင်းသိရသည်။
သွင်မောင်မောင်
