ရွှေဘိုမြို့ စည်ပင်သာယာမြို့မဈေးကြီးအား မသမာသူများက မီးရှို့ခဲ့ကြသဖြင့် ဆိုင်ခန်းပေါင်း ၉၀၉ ခန်း မီးလောင်ဆုံးရှုံး

ရွှေဘို မေ ၁၆

စစ်ကိုင်းတိုင်းဒေသကြီး ရွှေဘိုခရိုင် ရွှေဘိုမြို့ စည်ပင်သာယာ မြို့မဈေးကြီးတွင် မသမာသူများက မီးရှို့ခဲ့ကြသဖြင့် မေ ၁၅ ရက် နံနက် ၂ နာရီ မိနစ် ၂၀ ခန့်က မီးလောင်မှုဖြစ်ပွားခဲ့သည်။

မီးလောင်ရာသို့ ခရိုင်အတွင်းမှရွှေဘို၊ ရေဦး၊ ခင်ဦး၊ ဒီပဲယင်း မြို့နယ်၊ ဝက်လက်မြို့နယ် နယ်မြေခံမီးသတ်စခန်းတို့မှ ရေသယ် ယာဉ် ၁၁ စီး၊ မီးငြှိမ်းသတ်ယာဉ်၁၇ စီး၊ မီးသတ် တပ်ဖွဲ့ဝင်စုစုပေါင်း ၈၀ တို့နှင့် ကြက်ခြေနီတပ်ဖွဲ့ဝင်များ၊ လူမှုကယ်ဆယ် ရေးအဖွဲ့များ၊ ပြည်သူများ ဝိုင်းဝန်းမီးငြှိမ်းသတ်ခဲ့ကြသဖြင့် နံနက် ၅ နာရီခန့်တွင် မီးငြှိမ်းသတ်နိုင်ခဲ့သည်။
မီးလောင်မှုကြောင့် စည်ပင်သာယာမြို့မဈေးကြီးတွင် ဆိုင်ခန်း ပေါင်း ၁၅၉၁ ခန်းရှိသည့်အနက် ၉၀၉ ခန်း မီးလောင်ဆုံးရှုံးခဲ့ပြီး လူနှင့် တိရစ္ဆာန်များ ထိခိုက်ဒဏ်ရာရရှိမှုမရှိကြောင်း သိရသည်။
ဆွေဦး