သံတောင်မြို့နယ်၌ ငွေကျပ် ၁၀ ဒသမ ၃၅ ဘီလီယံတန်ဖိုးရှိစိတ်ကြွရူးသွပ်ဆေးပြားများ သိမ်းဆည်းရမိ
ညောင်တုံး မေ ၁၁
ကရင်ပြည်နယ် သံတောင်မြို့နယ်၌ ငွေကျပ် ၁၀ ဒသမ ၃၅ ဘီလီယံတန်ဖိုးရှိ စိတ်ကြွရူးသွပ်ဆေးပြားများသိမ်းဆည်းရမိခဲ့ ကြောင်း မြန်မာနိုင်ငံရဲတပ်ဖွဲ့မှ သိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့ သည် မေ ၉ ရက် ညနေ ၅ နာရီခွဲတွင် သံတောင်ကြီးမြို့နယ် တောင်ငူ - လွိုင်ကော်သွား ကားလမ်း လိပ်သိုမြို့အဝင် ပူးပေါင်း စစ်ဆေးရေးဂိတ်၌ လွိုင်ကော်မှ တောင်ငူသို့ စိုးမြင့်ထွေးမောင်းနှင် ပြီး အိုင်ဘောစကို လိုက်ပါလာသည့် ခြောက်ဘီးယာဉ်ကို သတင်း အရရှာဖွေရာ ဒေသကာလတန်ဖိုး ၁၀ ဒသမ ၃၅ ဘီလီယံ တန်ဖိုးရှိ စိတ်ကြွရူးသွပ်ဆေးပြား ၆၉ သိန်း သိမ်းဆည်းရမိခဲ့ ကြောင်း၊ စစ်ဆေးပေါ်ပေါက်ချက်များအရ သိမ်းဆည်းရမိသော စိတ်ကြွရူးသွပ်ဆေးပြားများမှာ ရှမ်းပြည်နယ်(တောင်ပိုင်း) မိုးနဲ မြို့နယ်မှ ရန်ကုန်တိုင်းဒေသကြီးသို့ သယ်ဆောင်ခြင်းဖြစ်ကြောင်း သိရသဖြင့် ယင်းတို့အား မူးယစ်ဆေးဝါးနှင့် စိတ်ကိုပြောင်းလဲစေ သော ဆေးဝါးများဆိုင်ရာ ဥပဒေအရ အရေးယူထားရှိပြီး ကွင်းဆက် ပြစ်မှုကျူးလွန်သူများကို စစ်ဆေးဖော်ထုတ် လျက်ရှိကြောင်း သိရသည်။
ဆွေဦး
