ရန်ကုန်၊ မေ ၇
ရန်ကုန်တိုင်းဒေသကြီး၊ တွံတေးမြို့နယ်အတွင်း မေ ၆ ရက်၊ မွန်းလွဲ ၂ နာရီခွဲအချိန်မှစတင်ကာ ညနေ ၄ နာရီအထိ လေပြင်း တိုက်ခတ်မှုဖြစ်ပွားခဲ့သဖြင့် တွံတေးမြို့နယ်အတွင်းရှိ မင်းပိုင် ရပ်ကွက်တွင် အိမ် ၁၀ လုံး၊ ခလုပ်ကျေးရွာအုပ်စုတွင် ၂၁ လုံး၊ ရန်ကုန်ပါဒကျေးရွာအုပ်စုတွင် ၃ လုံး၊ ဂယက်လမီးကျေးရွာအုပ်စုရှိ ထော်ကူးကျေးရွာ အလယ်တန်းကျောင်းမှ ဝန်ထမ်းအိမ်ရာ (၁) ခုနှင့် ရန်ကုန်ပါဒကျေးရွာအုပ်စု၊ ရန်ကင်းကျေးရွာရှိ မူလတန်းကျောင်း (ရန်ကင်း) အမိုးလန်မှုဖြစ်ပွားခဲ့ပြီး မင်းပိုင်းရပ်ကွက်တွင် နေအိမ် ၂ လုံး၊ ခလုပ်ကျေးရွာအုပ်စုတွင် နေအိမ် ၃ လုံး ပြိုကျခဲ့ကြောင်း သိရ သည်။ မျိုးလှိုင်(တွံတေး)