မအူပင်၊ ဧပြီ ၂၄
ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တွင် ခရိုင်ငါးလုပ်ငန်းဦးစီးဌာန ခရိုင်ငါးလုပ်ငန်း တာဝန်ခံ ဦးဆန်းဝင်း၏ ဦးဆောင်မှုဖြင့် ငါးသယံဇာတတိုးပွားရေးအတွက် တိုးမြစ်အတွင်းသို့ ငါးမျိုးစိုက်ထည့်ပွဲကို ဧပြီ ၂၃ ရက် နံနက် ၉ နာရီက မင်းဧရာဆိပ်ခံဗောတံတားတွင် ကျင်းပခဲ့သည်။
အဆိုပါ ငါးလွှတ်ပွဲသို့ခရိုင်နှင့်မြို့နယ်စီမံခန့်ခွဲမှုအဖွဲ့မှတာဝန်ရှိသူများ၊ ခရိုင်နှင့်မြို့နယ်ဌာနဆိုင်ရာများ တက်ရောက်ကြပြီး ခရိုင်ငါးလုပ်ငန်းတာဝန်ခံ ဦးဆန်းဝင်းနှင့်ဝန်ထမ်းများ တလုပ်လပ်အရှေ့ကျေးရွာ၊ တလုပ်လှ ငါးလုပ်ငန်းစခန်းတာဝန်ခံ ဒေါ်အေးအေးမင်း၏စီစဉ်မှုဖြင့် ရွှေဝါငါးကြင်း ငါးသားပေါက်အကောင်ရေ (၁)သိန်းအား ငါးသယံဇာတတိုးပွားရေးအတွက် တိုးမြစ်အတွင်းသို့ စုပေါင်းငါးမျိုးစိုက်ထည့်ခဲ့ကြောင်း ခရိုင်ငါးလုပ်ငန်းတာဝန်ခံထံမှ သိရသည်။
အောင်ခိုင် (မအူပင်)