မယ်စဲ့ ဖေဖော်ဝါရီ ၂၅
ကယားပြည်နယ်၊ ဘောလခဲခရိုင်၊ မယ်စဲ့မြို့နယ်၌ မြို့နယ်အတွင်းရှိအငြိမ်းစား (ပင်စင်စား) များအား ပင်စင်လစာငွေများကို ဖေဖော်ဝါရီ ၂၁ ရက်နေ့မှ လကုန်အထိ ပုံမှန်ထုတ်ပေးလျက်ရှိကြောင်း သိရသည်။
မယ်စဲ့မြို့နယ်တွင်မြို့ပြပင်စင်၊ ကာကွယ်ရေးပင်စင်၊ နိုင်ငံရေးပင်စင် စသည့် ပင်စင်သုံးမျိုးခံစားနေသူ အငြိမ်းစားဝန်ထမ်း (ပင်စင်စား) စုစုပေါင်း ၄၆ ဦးရှိရာ မြန်မာ့စီးပွားရေးဘဏ်၌ ကိုဗစ်-၁၉ ကာကွယ်ရေး လမ်းညွှန်ချက်များနှင့်အညီ သတ်မှတ်ရက်များအတွင်း အေးချမ်းတည်ငြိမ်စွာစနစ်တကျ ထုတ်ပေးလျက်ရှိသည်။
"မယ်စဲ့မြို့နယ်မှာက လူဦးရေနည်းတဲ့အတွက် ပင်စင်စားတွေအနေနဲ့ သတ်မှတ်ရက်တွေမှာတစ်ရက်ကို သုံးဦး၊လေးဦးခန့်၊ အချို့ရက်တွေမှာအများဆုံးခြောက်ဦးခန့်သာလာရောက်ထုတ်ယူကြပါတယ်။ သက်ကြီး ရွယ်အိုတွေစောင့်ဆိုင်းရတာမျိူးမဖြစ်စေဘဲ အလှည့်ကျနဲ့အဆင်ပြေချောမွေ့စွာထုတ်ပေးနေပါတယ်" ဟု မြန်မာ့ စီးပွားရေးဘဏ်မန်နေဂျာဦးဖိလစ်မိုင်ကေးက ပြောသည်။
ဝတ်ရည်(ပြန်/ဆက်)