ရေနံချောင်းမြို့နယ်တွင်ပဲသီးစိုက်ပျိူးခြင်းဖြင့် မိသားစုဝင်ငွေရရှိ
ရေနံချောင်း ဖေဖော်ဝါရီ ၂၅
မကွေးတိုင်းဒေသကြီးရေနံချောင်းမြို့နယ်ရှိကိုင်းမြေများ၌စိုက်ပျိူးသောပဲပင်များယခုတစ်ပတ်တွင် ဖြစ်ထွန်းအောင်မြင်လျက်ရှိရာ လက်ရှိခူးဆွတ်ရောင်းချနေရပြီဖြစ်ကာ စိုက်ပျိူးသူများ ဝင်ငွေရရှိနေကြကြောင်း ဒေသခံတောင်သူများထံကသိရသည်။
''ရေနံချောင်းမြို့နယ်ရှိဧရာဝတီမြစ်ရေဝင်ရောက်သောကိုင်းမြေများ၌ဆောင်းသီးနှံအဖြစ်တိုင်ထောင်ပဲပင် (ခေါ်)ပဲသီးပင်ကိုစိုက်ပျိူးကြတယ်။ကိုင်းမြေမှာတော့ရေသွင်းပြီးဟင်းသီးဟင်းရွက်စိုက်တယ်၊ ပန်းစိုက်တယ်၊ ပဲမာတွေစိုက်တယ်၊ပဲသီးပင်လည်းစိုက်ပျိူးပြီးရေနံချောင်းမြို့မဈေး၊ပျံကျဈေးကိုလက်လီရောင်းကြတယ်၊ ဒိုင်ကိုလည်းရောင်းကြတယ်၊ ပဲသီးကတော့ဝင်ငွေရတာပေါ့"ဟု ရေနံချောင်းမြို့နယ်ဖောင်းကတောကျေးရွာသစ်နေ ဒေသခံအမျိူးသားတစ်ဦးကရှင်းပြသည်။
ရေနံချောင်းမြို့မဈေးနှင့်ပျံကျဈေးများ၌ ပဲသီးတစ်ပိဿာလျှင် ဝ၀ကျပ်ကနေ ၁၀ဝ၀ ကျပ်အထိ လက်လီရောင်းရပြီးဒိုင် ရောင်းရသောလက်ကားဈေးမှာလက်လီထက်ဈေးရရှိမှုနည်းသော်လည်း ဝင်ငွေ ရကြောင်းသိရသည်။
ဆန်းညွန့်ရေနံချောင်း
