လေးမျက်နှာ ဇန်နဝါရီ ၂၂
ဧရာဝတီတိုင်းဒေသကြီး၊ လေးမျက်နှာမြို့နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနက အိုင်သပြုကျေးရွာအုပ်စု၊ သခင်ဖိုးလှကြီးကျေးရွာတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနခွင့်ပြု ရန်ပုံငွေဖြင့် သောက်သုံးရေဖူလုံစွာရရှိရေး၊ စက်ရေတွင်းတူးဖော်ခြင်းနှင့် ဆက်စပ်လုပ်ငန်းဆောင်ရွက်နေမှု အခြေအနေများကို ဇန်နဝါရီ ၂၁ ရက်နေ့ မွန်းလွဲပိုင်းအချိန်က ကွင်းဆင်းစစ်ဆေးခဲ့စဉ်။
(သခင်ဖိုးလှကြီးကျေးရွာ စက်ရေတွင်းတူးဖော်ခြင်းလုပ်ငန်းကို ၂၀၂၀-၂၀၂၁ ဘဏ္ဍာနှစ်တွင် ကျေးလက် ဒေသဖွံ့ဖြိုးတိုးတက်ရေးဦးစီးဌာနခွင့်ပြုရန်ပုံငွေကျပ် (၁၀ ဒသမ ၆၇) သန်းဖြင့် အကျယ် ၄ လက်မ အနက် ၄၀၀ ပေ ခန့်ရှိစက်ရေတွင်းတူးဖော်ခြင်း၊ ဂါလန် ၂၀၀၀ ဆံ့အုတ်ရေကန်တည်ဆောက်ခြင်း၊ အလျား ၁၂ ပေ၊ အနံ ၆ ပေ၊ အမြင့် ၅ ပေ ရှိရေစက်ရုံတည်ဆောက်ခြင်းလုပ်ငန်းများကို ထွန်းလသာကုမ္ပဏီမှဆောင်ရွက်လျက် ရှိကြောင်း၊ အဆိုပါရေတွင်းတူးဖော်ခြင်းနှင့် ဆက်စပ်လုပ်ငန်းများဆောင်ရွက်ပြီးစီးပါကကျေးရွာအိမ်ခြေ ၉၃ အိမ်၊ လူဦးရေ ၃၆၀ နှင့် ကျွဲ၊ နွား၊ တိရစ္ဆာန်များအတွက် နွေရာသီသောက်သုံးရေအခက်အခဲများအဆင်ပြေမည်။)
ဝေဝေ(လေးမျက်နှာ)