ကျောက်ဆည်မြို့၌ တရားမဝင် သယ်ဆောင်လာသည့် ကျောက်စိမ်းဖြတ်စများ ဖမ်းဆီးရမိ
ကျောက်ဆည်၊ ဇန်နဝါရီ ၁၆
မန္တလေးတိုင်းဒေသကြီး၊ ကျောက်ဆည်မြို့နယ်၌ ဇန်နဝါရီ ၁၀ ရက်က တရားမဝင် သယ်ဆောင်လာသည့် ကျောက်စိမ်းဖြတ်စများ ဖမ်းဆီးရမိခဲ့ကြောင်းသိရသည်။
ဖြစ်စဉ်မှာ ဇန်နဝါရီ ၁၀ ရက်၊ ည ၉ နာရီခွဲအချိန်က ကျောက်ဆည်မြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ရန်ကုန်-မန္တလေးလမ်းဟောင်း လက်ပံရဲကင်း၌ ယာဉ်စစ်ဆေးခြင်းများဆောင်ရွက်နေစဉ် မန္တလေးမြို့မှ ရန်ကုန်မြို့ဘက်သို့ ကျောက်ဆည်မြို့၊ မြို့ဦးရပ်ကွက်နေ မင်းအောင်(ခ)အိလိယက်(၂၉)နှစ်မောင်းနှင်ပြီး ဝေလင်းအောင်(ခ)ဟာဆန် (၃၅)နှစ်လိုက်ပါလာသည့် ဆိုင်ကယ်အား ရပ်တန့်စစ်ဆေးရာ ဆိုင်ကယ်တူးဘောက်အတွင်းမှ တရားမဝင်သယ်ဆောင်လာသည့် ကျောက်စိမ်းဖြတ်စ(၃၂)တုံးအား တွေ့ရှိသိမ်းဆည်းရမိခဲ့သဖြင့် မင်းအောင်(ခ)အိလိယက်ပါ ၂ ဦးအား ကျောက်ဆည်မြို့မရဲစခန်း(ပ)၃၃/၂၀၂၁၊ မြန်မာ့ကျောက်မျက်ရတနာဥပဒေပုဒ်မ ၅၁(က)/ ၅၄ ဖြင့် အမှုဖွင့်အရေးယူထားကြောင်း သိရသည်။
ဆွေဦး
