COVID-19 ရောဂါကာကွယ်ဆေးဝယ်ယူရေး အလှူငွေများ လှူဒါန်းနိုင်
ဂန့်ဂေါ ဇန်နဝါရီ ၁၆
မကွေးတိုင်းဒေသကြီး၊ ဂန့်ဂေါမြို့နယ်၌ နိုင်ငံတော်၏ COVID-19 ရောဂါကာကွယ်ဆေးဝယ်ယူရေးအတွက် လှူဒါန်းနိုင်ရန်ဆွေးနွေးပွဲကို ဇန်နဝါရီ ၁၅ ရက် နံနက် ၁၁ နာရီအချိန်က မြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ ပြုလုပ်ခဲ့သည်။
အလှူတော်ကောက်ခံရေးကော်မတီသို့ ဂန့်ဂေါခရိုင် အုပ်ချုပ်ရေးမှူးဦးကျော်မင်းညိုမိသားစုက အလှူငွေ ကျပ်(၅)သိန်း၊ ခရိုင်အထွေထွေအုပ်ချုပ်ရေးဦးစီးဌာန ဝန်ထမ်းများက အလှူငွေကျပ်(၅)သိန်းနှင့် ဦးမြို့ဖေ+ ဒေါ်စန်းစန်းမူ (မြို့ဖေမိသားစုစက်သုံးဆီရောင်းဝယ်ရေး)က အလှူငွေကျပ်(၃၀)သိန်းစုစုပေါင်းသိန်း(၄၀)ကျပ်တို့ကို မတည်ငွေအဖြစ် အလှူခံရရှိပြီးဖြစ်ကြောင်း သိရသည်။
ဖေဖော်ဝါရီပထမပတ်အတွင်း ဂန့်ဂေါမြို့နယ်မှ ပထမအကြိမ်အဖြစ် ထည့်ဝင်လှူဒါန်းမည်ဖြစ် ကြောင်းနှင့် ဖုန်း ၀၆၂၅၀၀၀၈၊ ၀၉၄၀၀၃၀၂၄၈၇ တို့သို့ ဆက်သွယ်လှူဒါန်းနိုင်ကြကြောင်း အလှူတော် ကောက်ခံရေးကော်မတီအတွင်းရေးမှူး ဦးတင်သောင်းထံမှ သိရှိရသည်။
ထင်အောင်နိုင်(ဂန့်ဂေါ)
