ရန်ကုန် ဇန်နဝါရီ ၁၆
တိုင်းရင်းသားစည်းလုံးညီညွတ်ရေးပါတီ (တစည) ပါတီဥက္ကဋ္ဌ ဦးသန်းတင် အသက်(၉၈)နှစ်တွင် လူကြီးရောဂါဖြင့် ဇန်နဝါရီလ(၁၄) ရက်နေ့က ၄င်းနေအိမ်၌ ကွယ်လွန်သွားကြောင်းသိရသည်။
နာရေးကိုဇန်နဝါရီလ(၁၅)ရက်နေ့ကတပ်မတော်စစ်သင်္ချိုင်းတွင် သင်္ဂြိုလ်ခဲ့ခြင်းဖြစ်ကြောင်း ပါတီပြန်ကြားရေး တာဝန်ခံဦးကျော်နုကပြောသည်။
ဈာပနအခမ်းအနားကို ကိုဗစ်ကန့်သတ်ချက်များကြားကလူအနည်းအကျဉ်းဖြင့်သာ ပြုလုပ်ခဲ့ခြင်းဖြစ်ကြောင်း ဦးကျော်နု ကပြောသည်။
တိုင်းရင်းသားစည်းလုံးညီညွတ်ရေးပါတီ (တစည) ပါတီဥက္ကဋ္ဌ ဦးသန်းတင်သည် အငြိမ်းစားဗိုလ်မှူးချုပ် တစ်ဦးဖြစ်ပြီး၊ (၁၉၇၀) လွန်ကာလက အစိုးရအဖွဲ့ဝန်ကြီးတစ်ဦးဖြစ်ခဲ့ကြောင်းသိရသည်။
မြင့်မြတ်အောင်မြင်