ထိုင်းနိုင်ငံမှ လှူဒါန်းသည့် ကျန်းမာရေးပစ္စည်းများကို မြန်မာရွှေ့ပြောင်းလုပ်သား များအတွက် ဦးစားပေးပြန်လည် လှူဒါန်းမည်

ဇန်နဝါရီ ၁၆

Thai Beverage Public Company Limited မှ Covid 19 ဆိုင်ရာ ကျန်းမာရေးအထောက်အကူပြုပစ္စည်းများကို ဇန်နဝါရီ ၁၅ ရက်က မြန်မာသံရုံးသို့ လာရောက်လှူဒါန်းခဲ့ရာ လှူဒါန်းခဲ့သည့်ပစ္စည်းများကို အဝင်/အထွက် ကန့်သတ်ခံထားရသည့် မြန်မာရွှေ့ပြောင်းလုပ်သားများကို ဦးစားပေး ပြန်လည်လှူဒါန်းမည်ဖြစ်ကြောင်း သိရသည်။

အဆိုပါ ThaiBeveragePublicCompanyLimited မှ Mr. Paul Choong, Advisor to President & CEO နှင့် တာဝန်ရှိသူများသည် ထိုင်းနိုင်ငံတွင် လတ်တလော COVID-19 ကပ်ရောဂါ ထိခိုက်ခံစားမှုကြောင့် အဝင်/အထွက် ကန့်သတ်ခံထားရသည့် ဒေသများမှ မြန်မာရွှေ့ပြောင်း အလုပ်သမားများအတွက် မြန်မာသံရုံးသို့ လာရောက်၍ ကျန်းမာရေး ဆိုင်ရာ အထောက်အကူပြုပစ္စည်းများအား လှူဒါန်းရာ သံအမတ်ကြီး ဦးမျိုးမြင့်သန်းမှ လက်ခံရယူပြီး ယင်းပစ္စည်းများကို လှူဒါန်းလိုသည့် မြန်မာရွှေ့ပြောင်းလုပ်သားများထံသို့ပင် ဦးစားပေးလှူဒါန်းမည်ဖြစ်ကြောင်း ပြောကြားခဲ့သည်။

 အဆိုပါ လှူဒါန်းပစ္စည်းများမှာ SurgicalMask-၂၀,ဝ၀ဝခု၊ AlcoholGelBottle(1000ml)-၂၀ဗူး၊ Alcohol SprayGallon 72%(20L)-၅ပုံး စသည်တို့ဖြစ်ပြီး ယင်းတို့ကို အဝင်/အထွက် ကန့်သတ်ခံထားရသည့် ဒေသများမှ မြန်မာ ရွှေ့ပြောင်း အလုပ်သမားများအား ဦးစားပေးဖြန့်ဝေပေးမည်ဖြစ်သည့်အပြင် အခြားသော လိုအပ်သောနေရာ များသို့လည်း စိစစ်ပေးပို့လှူဒါန်းသွားမည်ဖြစ်ကြောင်း သိရသည်။

မေဘယ်လ်အောင်