ရန်ကုန် ဇန်နဝါရီ ၁၅
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့်မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီး ခြင်းဆောင်ရွက်ခဲ့ရာ ဇန်နဝါရီ ၁၄ ရက်၊ ည ၇ နာရီအချိန်တွင် လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် (၁၃)ရပ်ကွက်၊ ဗိုလ်အောင်ကျော်လမ်းနှင့် ပဲခူးလမ်းထောင့်၌ ဝေလွင်ဖြိုးထံမှ အရိုးအသွား(၉)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ ဇန်နဝါရီ ၁၃ ရက်၊ ည ၇ နာရီအချိန်တွင် လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် အလယ်ကျေးရွာ၊ မောင်သန်းလမ်းမပေါ်၌ လှမျိုးထိုက်ထံမှ အရိုးအသွား(၁၂)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း သိမ်းဆည်းရမိခဲ့၍ ၎င်းတို့အား သက်ဆိုင်ရာမြို့နယ်အလိုက် အမှုဖွင့်အရေးယူခဲ့ကြောင်း သိရသည်။။
ဆွေဦး