မိုးမိတ်မြို့နယ်တွင် မူးယစ်ဆေးဝါးများ ဖမ်းဆီးရမိ
မိုးမိတ်၊ ဇန်နဝါရီ ၉
ဇန်နဝါရီ ၇ ရက်၊ ည ၈ နာရီခွဲအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင် များသည် မိုးမိတ်မြို့နယ်၊ မိုးမိတ်-မန်တုံသွားကားလမ်း၊ ရွှေဇာလီကျေးရွာအုပ်စု၊ ညောင်နီကျေးရွာ အနီးတွင် ထက်မြတ်ငြိမ်း(ခ)နော်မိုင် မောင်းနှင်လာသော မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ရှေ့ခွကြားရှိ ဆာလာအိတ်အတွင်းမှ ဘိန်းဖြူ ၁ ဒသမ ၁ ကီလိုနှင့် စိတ်ကြွရူးသွပ်ဆေးပြား ၅,၄၀၀ ပြားတို့ကို သိမ်းဆည်းရမိခဲ့သဖြင့် ထက်မြတ်ငြိမ်း(ခ)နော်မိုင်(၂၁)နှစ်အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဆွေဦး
