မြစ်သား ဒီဇင်ဘာ ၁၈
မန္တလေးတိုင်းဒေသကြီး၊ ကျောက်ဆည်ခရိုင်အတွင်း မိုးရာသီကာလမိုးရွာသွန်းမှု နည်းပါးမှုကြောင့် မြစ်သား မြို့နယ်ရှိ ကင်းတားဆည်တွင်ရေဝင်ရောက်မှုနည်းပါးပြီး ဒီဇင်ဘာလအတွင်း ကန်ရေလှောင်ပမာဏမှာ ဧကပေတစ်သိန်းကျော်သာရှိကြောင်း ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ သိရသည်။ လျှပ်စစ်ထုတ်လုပ်နိုင်သော ကန်ရေလှောင်ပမာဏ Minimun Operation Level အောက်နိမ့်ကျနေ၍ စိုက်ပျိုးရေပေးဝေသော Irrigation Outlet-Gate Chamber ရေတံခါးများမှသာ ရေပေးဝေရသည်။ ၂၀၂၁ခုနှစ် စိုက်ပျိုးရာသီတွင် နွေစပါး၊ နွေသီးနှံများကို စိုက်ပျိုးရေမပေးဝေနိုင်ကြောင်း ဆည်မြောင်းနှင့် ရေအသုံးချမှုစီမံ ခန့်ခွဲရေးဦးစီးဌာနမှ အသိပေးထားသည်။
မောင်ပြည်သူ(မန္တလေး)