အင်တာမီလန် ခံစစ်ကစားသမား ကရီနီယာကို စပါးအသင်းက ခေါ်ယူမည်
ဒီဇင်ဘာ ၄
စပါးအသင်းသည် လာမည့် ဇန်နဝါရီအပြောင်းအရွှေ့ကာလတွင် အင်တာမီလန်အသင်း ခံစစ်ကစားသမား ကရီနီယာကို ခေါ်ယူရန် ပစ်မှတ်ထားနေကြောင်း သိရသည်။
ကရီနီယာသည် ဥရောပအကောင်းဆုံး ခံစစ်ကစားသမားများ စာရင်းတွင်ပါဝင်နေပြီး ဥရောပအသင်းကြီး များကလည်း ယင်းကို ခေါ်ယူရန် ကြိုးပမ်းနေကြသော်လည်း စပါးအသင်းက စတာလင်ပေါင် ၄၅ သန်းဖြင့် ခေါ်ယူရန် ပြင်ဆင်လျက်ရှိသည်။
COVID-19 ရောဂါကာလအတွင်း ဝင်ငွေကျဆင်းနေသည့် အင်တာမီလန်အသင်းသည် ပြီးခဲ့သည့် အပြောင်းအရွှေ့ကာလက ကစားသမားအများအပြားခေါ်ယူထားသည့်အတွက် ဘဏ္ဍာရေးကျပ်တည်းမှုများဖြင့် ရင်ဆိုင်နေရသောကြောင့် ကရီနီယာကို ရောင်းချသွားရန် စီစဉ်နေခြင်းဖြစ်သည်။
အသက် ၂၅ နှစ်အရွယ်ရှိ ကရီနီယာသည် အင်တာမီလန်အသင်း၏ ခံစစ်ပိုင်းတွင် အဓိက ကစားသမားအဖြစ် ပါဝင်ကစားနေပြီး အကောင်းဆုံးခြေစွမ်းပြသနေသူဖြစ်သည်။
(သူရိန်)
