မီးကြိုးများနှင့် မလွတ်ကင်းသည့် သစ်ပင်ကြီးများမှ သစ်ကိုင်းများအား ရန်ကုန်မြို့တော်စည်ပင်သာယာ ရေးကော်မတီမှ မြို့နယ်အလိုက် လိုက်လံရှင်းလင်း
ရန်ကုန် မေ ၃
ရန်ကုန်မြို့တော်စည်ပင်သာယာရေးကော်မတီ
မြို့ပြစီမံကိန်းလုပ်ငန်း တာဝန်ခံအဖွဲ့ (မြေယာရှုခင်းနှင့်အားကစားကွင်းများ)ဌာနသည် မေလ ၂ရက်တွင် အင်းစိန်မြို့နယ် မင်းကြီးလမ်း စိန်ပန်းပင်လဲရှင်းလင်းခြင်း၊ မရမ်းကုန်းမြို့နယ် သဇင်ရုံလမ်း ပိတောက်ကိုင်းကျိုးရှင်းလင်းခြင်း၊ ဒဂုံမြို့နယ် ပြည်လမ်းအနောက်ရပ်ကွက် မီးလိုင်းရှင်းလင်းခြင်း၊ သာကေတမြို့နယ်ရှုခင်းသာ မီးလိုင်းငြိအပင်ရှင်းလင်းခြင်း၊ လှိုင်မြို့နယ်ခပေါင်းလမ်း ပိတောက်ကိုင်းကျိုးရှင်းလင်းခြင်း၊ ဒဂုံမြို့သစ်(တောင်ပိုင်း)မြို့နယ် အမှတ် ၂လမ်းမကြီး မီးလိုင်းငြိအပင်ရှင်းလင်းခြင်း၊ မြောက်ဥက္ကလာပမြို့နယ် ကန်သာပန်းခြံမြက်စိုက်ခြင်းများဆောင်ရွက်ခဲ့ကြသည်။
မိုးမြင့်မောင်
