အသိပေးကြေညာချက်

၁။ ရန်ကုန်မြို့တော်စည်ပင်သာယာရေးကော်မတီ၊ မြို့ပြစီမံကိန်းနှင့် မြေစီမံခန့်ခွဲမှုဌာန အနေဖြင့် ရန်ကုန် မြို့တော်ရှိ ပြည်သူများ၏ မြေစီမံခန့်ခွဲမှုဆိုင်ရာလျှောက်ထားမှုများကို အပတ်စဉ်(တနင်္လာ၊ ဗုဒ္ဓဟူး၊ သောကြာ)နေ့ များတွင် ရန်ကုန်မြို့တော်ခန်းမအတွင်းရှိ OSS ခန်းမအတွင်း၌ လက်ခံဆောင်ရွက်ပေးလျက်ရှိပါသည်။ ၂။ လက်ရှိအခြေအနေ၌ မြန်မာပြည်တစ်ဝှမ်းလုံးတွင် Coronavirus Disese 2019 (COVID-19) ရောဂါ သည် စောင့်ကြပ်ကြည့်ရှုမှုအခြေအနေတွင်ဖြစ်ပေါ်နေကြောင်း ကျန်းမာရေးနှင့်အားကစားဝန်ကြီးဌာနမှ သတင်း ထုတ်ပြန်ထားရှိသဖြင့် မြေစီမံခန့်ခွဲမှုဆိုင်ရာလျှောက်ထားမှုများကို ၂၅-၃-၂၀၂၀ ရက်နေ့မှစ၍ မြို့နယ်(၂၈)မြို့နယ် အား Online မှလျှောက်ထားရန် ၊Online မရရှိသည့် မြို့နယ်(၅)မြို့နယ်အား အပတ်စဉ်ရက်သတ္တပတ်၏ ဗုဒ္ဓဟူးနေ့ ရုံးဖွင့်ရက်တွင် နံနက်(၁၀:၀၀) နာရီမှ နေ့လည်(၁၄:၀၀)နာရီအထိ လက်ခံဆောင်ရွက်ပေးမည်ဖြစ် ကြောင်းနှင့် လျှောက်ထားပြီးဖြစ်သော မြေစီမံမှုများ၏ ခွင့်ပြုထုတ်ယူရန် ကိစ္စရပ်များကိုလည်း အပတ်စဉ်ရက်သတ္တပတ်၏ ဗုဒ္ဓဟူးနေ့ ရုံးဖွင့်ရက်တွင် ဆောင်ရွက်ပေးမည်ဖြစ်ကြောင်း ၂၅-၃-၂၀၂၀ ရက်နေ့တွင် အသိပေးကြေညာခဲ့ပြီးဖြစ်ပါသည်။ ၃။ သို့သော်လည်း ပြည်သူများ၏ မြေစီမံခန့်ခွဲမှုဆိုင်ရာလျှောက်ထားမှုများ လျော့နည်းလာမှုမရှိဘဲ ပိုမိုများပြားစွာ လျှောက်ထားလာမှုရှိခြင်းကြောင့် နိုင်ငံတော်သမ္မတရုံး၏ ၂၅-၃-၂၀၂၀ ရက်စွဲပါစာအမှတ်၊ ၁၅၈(၁)/၈/သမ္မတရုံး ၏ Coronavirus (COVID-19)ရောဂါကြိုတင်ကာကွယ်တားဆီးရေးအတွက် လိုက်နာဆောင်ရွက်ရန်ကိစ္စအကြောင်းကြားစာအရ ရောဂါကြိုတင်ကာကွယ်ရေး လုပ်ငန်းများ ထိရောက်အောင်မြင်စွာဆောင်ရွက်နိုင်ရေးအတွက် မြို့ပြစီမံကိန်း လုပ်ငန်းတာဝန်ခံအဖွဲ့၊ မြို့ပြမြေစီမံခန့်ခွဲမှု၏ မြေစီမံခန့်ခွဲမှုဆိုင်ရာ ဝန်ဆောင်မှု ပေးနေသည့် ကိစ္စရပ်များအား၃၀-၄-၂၀၂၀ ရက်နေ့ထိ ခေတ္တရပ်ဆိုင်း သွားမည်ဖြစ်ပါသည်။ ၄။ သို့ဖြစ်ပါ၍ ရန်ကုန်မြို့တော်နေပြည်သူများအနေဖြင့် COVID-19 ကြိုတင်ကာကွယ်ရေးနှင့်ကျန်းမာရေးစောင့်ရှောက်မှုအလို့ငှာ အထက်ပါမြေစီမံခန့်ခွဲမှုဆိုင်ရာဝန်ဆောင်မှုပေးနေသည့် ကိစ္စရပ်များအား ခေတ္တရပ်ဆိုင်းမှုအပေါ် ပူးပေါင်းဆောင်ရွက်ပေးနိုင်ကြပါရန် မေတ္တာရပ်ခံအသိပေးကြေညာအပ်ပါသည်။ . ရန်ကုန်မြို့တော်စည်ပင်သာယာရေးကော်မတီ . မြို့ပြစီမံကိန်းနှင့်မြေစီမံခန့်ခွဲမှုဌာန