ရန်ကုန်ပြည်သူ့ဆေးရုံကြီးရှေ့ ဗိုလ်ချုပ်အောင်ဆန်းလမ်းအား ခေတ္တ ပိတ်မည်
ရန်ကုန် အောက်တိုဘာ ၂၁
COVID -19 ရောဂါကာကွယ် ထိန်းချုပ်ကုသရေး အချိန်ကာလ အတွင်း ၌ ရန်ကုန်ပြည်သူ့ဆေးရုံကြီး သို့ နေ့စဥ် ဝင်/ထွက် သွားလာလျက်ရှိသော လူနာတင်ယာဥ်များ၊ ဆရာဝန်များ၏ မော်တော်ယာဥ်များ နှင့်ထောက်ပံ့ရေးယာဥ်များ ဖြတ်သန်းသွားလာရာတွင် ယာဥ်အန္တရာယ်ကင်းရှင်းစေရေးအတွက် ဗိုလ်ချုပ်အောင်ဆန်းလမ်းမကြီး အား မြို့မကျောင်းလမ်းနှင့် လမ်းမတော် လမ်းဆုံမှ ရွှေတိဂုံဘုရားလမ်းနှင့် ဗိုလ်ချုပ်အောင်ဆန်းလမ်းဆုံ အထိ ၎င်း လမ်းမကြီးအား ၂၀၂၀ ပြည့်နှစ် အောက်တိုဘာလ (၂၄) ရက် နံနက် ၆ နာရီ အချိန်မှ စတင်၍ ခေတ္တပိတ်ထားမည် ဖြစ်ကြောင်း ရန်ကုန်တိုင်းဒေသကြီး ယာဥ်စည်းကမ်းထိန်းသိမ်းရေးကြီးကြပ်မှုကော်မတီမှ ထုတ်ပြန်ထားကြောင်းသိရသည်။
ထို့ကြောင့် မော်တော်ယာဥ်မောင်းနှင်နေသူများအနေဖြင့် ၎င်းလမ်းကြီး အား ခေတ္တ ပိတ်ထားစဥ် ကာလအတွင်း အခြားသင့်လျှော်သော လမ်းများအားရွေးချယ်၍ ဖြတ်သန်းမောင်းနှင်သွားရမည်ဖြစ်ကြောင်းသိရသည်။
မိုးမြင့်မောင်
