The Harder They Fall ဇာတ်ကား ရိုက်ကူးရေးလုပ်ငန်းများ ယာယီရပ်ဆိုင်း

အောက်တိုဘာ  ၁၉

Netflix ကုမ္ပဏီက တာဝန်ယူရိုက်ကူးနေသည့် The Harder They Fall ဇာတ်ကား ရိုက်ကူးရေးလုပ်ငန်းများကို ယာယီရပ်ဆိုင်းထားရကြောင်း သိရသည်။
ရိုက်ကူးထုတ်လုပ်ရေးအဖွဲ့ဝင် တစ်ဦးတွင် COVID-19 ရောဂါ စစ်ဆေးတွေ့ရှိခဲ့ရပြီးနောက် Netflix ကုမ္ပဏီက The Harder They Fall ဇာတ်ကား ရိုက်ကူးရေးလုပ်ငန်းများကို ယာယီရပ်ဆိုင်းခဲ့ခြင်းဖြစ်သည်။

နယူးမက္ကဆီကိုပြည်နယ်၌ ရိုက်ကူးနေသည့် The Harder They Fall ဇာတ်ကားကို သီတင်းငါးပတ်ကြာ ရိုက်ကူးမှုများ လုပ်ဆောင်ပြီးနောက် COVID-19 ရောဂါကြောင့် ရိုက်ကူးရေးလုပ်ငန်းများကို ရပ်ဆိုင်းခဲ့ရပြီး လာမည့် သီတင်းပတ်အတွင်းမှသာ ရိုက်ကူးရေးလုပ်ငန်းများကို ပြန်လည်စတင်နိုင်ဖွယ်ရှိသည်။

မြင်းစီးကောင်းဘွိုင် သေနတ်သမားများလောကကို နောက်ခံပြုရိုက်ကူးထားသည့် The Harder They Fall ဇာတ်ကားကို ဒါရိုက်တာ ဂျေးမက်ဆင်မြူရယ်က တာဝန်ယူရိုက်ကူးနေခြင်းဖြစ်သည်။ The Harder They Fall ဇာတ်ကားတွင် မင်းသား အိုက်ဒရစ်အယ်ဘာနှင့် မင်းသမီး ရက်ဂျီနာကင်းတို့ ပါဝင်သရုပ်ဆောင်ထားကြသည်။

(သူရိန်)