အုတ်တွင်း စက်တင်ဘာ ၂၈
စက်တင်ဘာ ၂၆ ရက်၊ နံနက် ၁ နာရီ ၅၀ မိနစ်အချိန်ခန့်က ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန် - မန္တလေး အမြန်လမ်းမကြီး၊ မိုင်တိုင်အမှတ်(၁၂၉/၆)နှင့်(၁၂၉/၇)ကြားတွင် နေပြည်တော် ဘက်မှ ရန်ကုန်ဘက်သို့ ဦးအောင်အောင်မျိုး မောင်းနှင်လာသည့် NPW/7E – --- FOTON ယာဉ်သည် ကုန်စိမ်း များတင်ဆောင်မောင်းနှင်လာစဉ် အရှိန်မထိန်းနိုင်ဘဲ လမ်းမကြီးပေါ်သို့ လဲကျတိမ်းမှောက်နေသဖြင့် ဗောဓိကုန်း အမြန်လမ်းမီးသတ်စခန်းမှ တပ်ဖွဲ့ဝင် များသည် ရှာဖွေကယ်ဆယ်ရေးလုပ်ငန်းများ သွားရောက် ဆောင်ရွက်ပေးခဲ့ရာ နံနက် ၂ နာရီ ၅၀ မိနစ်အချိန်တွင် ရှာဖွေကယ်ဆယ်ရေးလုပ်ငန်းများ ဆောင်ရွက် ပြီးစီးခဲ့ပါသည်။
အဆိုပါ ယာဉ်တိမ်းမှောက်မှုကြောင့် ယာဉ်မောင်းပါ အမျိုးသား ၂ ဦးမှာ ထိခိုက်ဒဏ်ရာရရှိမှု မရှိပါကြောင်းနှင့် ယာဉ်မောင်း ဦးအောင်အောင်မျိုးအား ဗောဓိကုန်းအမြန်လမ်းရဲစခန်းတွင် အမှုဖွင့်အရေးယူထားကြောင်း သိရသည်။
ဆွေဦး